Zabbuli 114
114
Katonda ow'obuyinza
1Isiraeri bwe yava mu Misiri,
Ennyumba ya Yakobo mu bantu ab'olulimi olulala;#Kuv 12:37,41, Zab 81:5
2Yuda n'abeera ekifo kye ekitukuvu;
Isiraeri n'afuuka amatwale ge.#Kuv 19:5,6, Zab 78:68,69
3Ennyanja n'eraba ekyo, n'edduka;
Yoludaani ne gudda emabega.#Kuv 14:21, Yos 3:13-16
4Ensozi ne zibuukabuuka ng'endiga eza sseddume,
N'obusozi obutono ng'obuliga.#Zab 18:7; 29:6
5Wali otya, ggwe ennyanja, okudduka?
Naawe Yoludaani, okudda emabega?#Kaab 3:8
6Mmwe ensozi, okubuukabuuka ng'endiga eza sseddume;
Mmwe obusozi obutono, ng'obuliga?
7Kankana, ggwe ensi, awali Mukama,
Awali Katonda wa Yakobo;#Zab 96:9
8Eyafuula ejjinja ekidiba eky'amazzi,
Ejjinja eggumu oluzzi olw'amazzi.#Kuv 17:6, Kubal 20:11, Ma 8:15, Zab 107:35
Currently Selected:
Zabbuli 114: LBR
Highlight
Share
Compare
Copy
Want to have your highlights saved across all your devices? Sign up or sign in
All rights are reserved to the Bible Society of Uganda.
