Zabbuli 111
111
Okusanyukira emirimu gya Mukama
1Mutendereze Mukama.
Nneebazanga Mukama n'omutima gwange gwonna,
Mu kibiina eky'abatuukirivu abateesa, ne mu kkuŋŋaaniro.#Zab 104:35; 138:1
2Emirimu gya Mukama mikulu,
Ginoonyezebwa abo bonna abagisanyukira.#Zab 92:5; 139:14, Kub 15:3
3Omulimu gwe gwa kitiibwa, gwa bukulu;
N'obutuukirivu bwe bubeerera emirembe gyonna.#Zab 112:3,9; 145:5
4Ajjukizizza emirimu gye egy'ekitalo;
Mukama wa kisa, ajjudde okusaasira.#Zab 86:15
5Awa emmere abo abamutya;
Anajjukiranga endagaano ye emirembe gyonna.#Zab 34:9,10; 105:8, Mat 6:31-33
6Alaze abantu be obuyinza obw'emirimu gye,
Ng'abawa obusika obw'amawanga.
7Emirimu egy'emikono gye ge mazima n'omusango;
Ebiragiro bye byonna binywera.#Zab 19:7
8Biteekebwawo emirembe n'emirembe,
Bikolebwawo mu mazima n'obutuukirivu.#Is 40:8, Mat 5:18, Kub 15:3
9Yawa abantu be okununulwa;
Yalagira endagaano ye emirembe gyonna;
Erinnya lye ttukuvu, lya kitiibwa.#Zab 133:3, Luk 1:49,68
10Mu kutya Mukama amagezi mwe gasookera;
Balina okutegeera okulungi bonna abakola bwe batyo;
Ettendo lye libeerera emirembe gyonna.#Ma 4:6, Yob 28:28, Nge 1:7; 3:4; 9:10
Currently Selected:
Zabbuli 111: LBR
Highlight
Share
Compare
Copy
Want to have your highlights saved across all your devices? Sign up or sign in
All rights are reserved to the Bible Society of Uganda.
