Yoswa 15
15
Obutaka bwe kika kya Yuda
1Obutaka akalulu kebwawa ekika kya Yuda ng'enda zaabwe bwe zaali bwatuuka ku nkomerero ye ddungu lya Zini, mu bukiikaddyo, ku nsalo ne Edomu.#Kubal 34:3 2Ensalo ey'obukiika obwo yavira ddala ku bukiikaddyo obw'ennyanja ey'omunnyo; 3neyeyongerayo ku luuyi olw'obukiikaddyo obw'ekkubo eridda e Akulabbimu, neyeyongerayo okutuuka e Zini, neyambuka mu bukiikaddyo obwa Kadesubanea, n'eyita kumpi ne Kezulooni, n'eyeyongerayo ku Addali, n'ekyamira ku Kaluka, 4n'eyeyongerayo ku Azumoni, n'egoberera omugga ogw'okunsalo ne Misiri; okutuukira ddala ku nnyanja eya wakati. Eyo y'ensalo ya Yuda ey'omu bukiikaddyo.#Yos 15:47 5Ensalo ey'ebuvanjuba yali Nnyanja ya Munnyo, okutuuka Omugga Yoludaani we guyiira mu nnyanja eyo. N'ensalo ey'oludda olw'ebukiikakkono nga eva ku kikono ky'ennyanja okutuuka omugga Yoludaani we guyiira mu nnyanja. 6Ensalo yatandikira awo, n'eyambuka okutuuka ku Besukogula, n'eyita ku bukiikakkono bwa Besualaba; neyeyongerayo okutuuka ku Jjinja lya Bokani mutabani wa Lewubeeni;#Yos 18:17-22 7n'ensalo n'eyambuka okutuuka e Debiri, ng'eva mu kiwonvu Akoli, n'eraga e Girugaali, mu bukiikakkono, ekitunuulidde ekkubo eryambuka ku Lusozi Adummimu, oluli emitala w'omugga ku ludda olw'ebukiikaddyo. Ne yeyongerayo okutuuka ku mazzi ag'e Ensemesi, n'ekoma ku Enerogeri;#Yos 7:26; 18:16,17 8Awo ensalo n'eyita mu Kiwonvu kya mutabani wa Kinomu ku ludda olw'ebukiikaddyo obw'olusozi, okwali Yerusaalemi ekibuga eky'Abayebusi. Ensalo n'eyambuka ku ntikko y'olusozi, olutunuulidde ekiwonvu kya Kinomu ku ludda olw'ebugwanjuba, ku nkomerero y'Ekiwonvu kya Lefayimu ey'omu bukiikaddyo obwa kkono;#Yos 15:63; 18:16,28 9Okuva awo, ensalo n'eraga ku ntikko ey'olusozi okutuuka ku nsulo z'amazzi ga Nefutoa, n'etuuka ku bibuga eby'oku Lusozi Efulooni. Awo ensalo n'ewetamu n'eyolekera Baala oba Kiriyasuyalimu;#Yos 15:60; 18:15, 1 Byom 13:6 10Ku Baala w'ekyamira ku ludda olw'ebugwanjuba n'edda ku Lusozi Seyiri, n'egenda okutuuka ku Lusozi Yealimuoba Kyesaloni ku ludda olw'ebukiikakkono, n'ekka ku Besusemesi, n'eyita ku mabbali ga Timuna;#1 Sam 6:9,12 11ensalo n'eyita ku mabbali g'ebukiikakkono obw'Olusozi Ekuloni, n'ewetamu n'eyolekera Sikkeroni, n'eyita Lusozi Baala, n'etuuka ku Yabuneeri; n'ekoma ku Nnyanja Eyawakati. 12Ennyanja eyo n'eba ensalo ey'ebugwanjuba. Ezo ze nsalo ezeetoolodde enjuyi zonna ez'ekitundu ekyaweebwa ekika kya Yuda nga enda zabwe bwe zaali.#Kubal 34:6,7, Yos 23:4, Ez 47:20
Kalebu awangula Kebbulooni ne Debiri
13Yoswa n'awa Kalebu mutabani wa Yefune omugabo mu b'Ekika kya Yuda, nga Mukama bwe yamulagira. N'amuwa Kiriasualaba ye Kebbulooni, Aluba oyo yali kitaawe wa Anaki.#Yos 14:13-15; 15:54 14Kalebu n'agobamu abaana abasatu aba Anaki, Sesayi, Akimaani ne Talumaayi.#Kubal 13:22, Balam 1:10,20 15N'ava eyo, n'alumba Debiri, edda ekyayitibwanga Kiriasuseferi.#Balam 1:11, Yos 15:49 16Kalebu n'ayogera nti anaawamba Kiriasuseferi n'amuwa Akusa muwala wange okumuwasa. 17Osunieri mutabani wa Kenazi, muganda wa Kalebu, n'akiwamba, n'amuwa muwala we okumuwasa. 18Akusa bwe yajja eri Osunieri n'amukuutira asabe kitaawe amuwe ennimiro, awo Akusa n'ava ku ndogoyi ye. Kalebu n'amubuuza nti, “Oyagala ki?” 19Akusa n'addamu nti, “Njagala ompe ekirabo, nga bw'ompadde ensi enkalu, era mpa n'enzizi z'amazzi.” Kalebu n'amuwa enzizi e'zengulu n'ez'emmanga.
Ebibuga bya Yuda
20Buno bwe butaka obw'ekika eky'abaana ba Yuda ng'enda zaabwe bwe zaali.
21Ebibuga eby'ekika eky'abaana ba Yuda, ku luuyi olw'ebukiikaddyo okwolekera ensalo ya Edomu, byali Kabuzeeri, Ederi, ne Yaguli; 22Kina, Dimona, ne Adada; 23Kedesi, Kazoli, ne Isunani; 24Zifu, Teremu, ne Bealosi; 25Kazolukadatta, ne Keriosukezulooni ye Kazoli; 26Amamu, Sema, ne Molada 27Kazalugadda, Kesumoni, ne Besupereti; 28Kazalusuali, Beeruseba, ne Biziosia;#Lub 21:31; 26:23,33 29Baala, Yimu, ne Ezemu; 30Erutoladi, Kyesiri, ne Koluma; 31Zikulagi, Madumanna, ne Samusanna;#1 Sam 27:6; 30:1 32Lebaosi, Sirukimu, Ayini, ne Limmoni: ebibuga byonna biri abiri mu mwenda (29), n'ebyalo byabyo.
33Ebibuga eby'omu nsenyi byali: Esutaoli, Zola, ne Asuna;#Balam 13:25 34Zanowa, Engannimu, Tappua ne Enamu; 35Yalamusi, Adulamu, Soko, ne Azeka; 36Saalayimu, Adisaimu, Gedera, ne Gederosaimu; ebibuga byonna byali kkumi na bina (14), n'ebyalo byabyo.
37Waliwo n'ebibuga bino: Zenani, Kadasa, ne Migudalugadi; 38Dirani, Mizupe, ne Yokuseeri; 39Lakisi, Bozukasi, ne Eguloni;#Yos 10:3,31-35 40Kabboni, Lamamu, ne Kitulisi; 41Gederosi, Besudagoni, Naama, ne Makkeda. Na bino byali ebibuga kkumi na mukaaga (16), n'ebyalo byabyo.#Yos 10:10,21
42Waliwo ne bibuga bino: Libuna, Eseri, ne Asani;#Yos 10:29,30 43Ifuta, Asuna, ne Nezibu; 44Keira, Akuzibu, ne Malesa. Na bino byali ebibuga mwenda (9), n'ebyalo byabyo.#2 Sam 23:1,2
45Waliwo Ekuloni n'ebibuga n'ebyalo byakyo:#Yos 13:3 46okuva ku Ekuloni okutuuka ku nnyanja eyawakati, waliwo ebibuga n'ebyalo byabyo okuliraana Asudodi.
47Waliwo Asudodi, ebibuga n'ebyalo byakyo; Gaza, ebibuga n'ebyalo byakyo nga bituukira ddala ku mugga ogw'e Misiri ne ku lubalaza lw'ennyanja eyawakati.#Yos 13:3; 15:4,12
48Ebibuga eby'omu nsozi byali: Samiri, Yattiri, ne Soko; 49Danna, ne Kiriasusanna ye Debiri;#Yos 15:15 50Anabu, Esutemo, ne Animu; 51Goseni, Koloni, ne Giro. Na bino byali ebibuga kkumi na kimu (11), n'ebyalo byabyo.#Yos 10:41; 11:16, 2 Sam 15:13
52Waliwo ne bibuga bino: Alabu, Duma, ne Esani; 53Yanimu, Besutappua, ne Afeka; 54Kumuta, Kiriasualuba ye Kebbulooni, ne Zioli. Na bino byali ebibuga mwenda (9), n'ebyalo byabyo.#Yos 15:13
55Waliwo ne bibuga bino: Mawoni, Kalumeeri, Zifu, ne Yuta;#Yos 15:24, 1 Sam 23:24-25; 25:2 56Yezuleeri, Yokudeamu, ne Zanoa; 57Kaini, Gibea, ne Timuna. Na bino byali ebibuga kkumi (10), n'ebyalo byabyo.
58Waliwo n'ebibuga bino: Kalukuli, Besuzuli, ne Gedoli; 59Maalasi, Besuanosi, ne Erutekoni. Na bino byali ebibuga mukaaga (6), n'ebyalo byabyo.
60Waliwo Kiriasubaali ye Kiriyasuyalimu, ne Labba; bye bibuga bibiri (2), n'ebyalo byabyo.#Yos 15:9
61N'ebibuga eby'omuddungu byali: Besualaba, Middini, ne Sekaka;#Yos 15:6 62Nibusani, ekibuga eky'Omunnyo, ne Engedi. Na bino byali ebibuga mukaaga (6) n'ebyalo byabyo.#1 Sam 23:29; 24:1, Ez 47:10
63Naye bazzukulu ba Yuda ne batasobola kugoba Bayebusi mu Yerusaalemi n'okutuusa kati.#Yos 15:8, Balam 1:8,21, 2 Sam 5:6
Obutaka bwa Efulayimu ne Manase mu kitundu eky'e bugwanjuba
Currently Selected:
Yoswa 15: LBR
Highlight
Copy
Compare
Share
Want to have your highlights saved across all your devices? Sign up or sign in
All rights are reserved to the Bible Society of Uganda.
