Isaaya 12
12
1Ku lunaku olwo abantu balyogera bwe bati, “Nnaakwebaza, ayi Mukama; kubanga newakubadde nga wansunguwalira, obusungu bwo buweddewo, kaakati onzizizzaamu amaanyi.” 2Laba, Katonda bwe bulokozi bwange, nnaamwesiganga ne ssitya. Mukama Yakuwa ge maanyi gange era lwe luyimba lwange, era ye afuuse obulokozi bwange.#Kuv 15:2, Zab 118:14 3Munasenanga n'essanyu amazzi okuva mu nzizi ez'obulokozi.#Yok 4:14 4Era ku lunaku olwo mulyogera nti, “Mwebaze Mukama, mutendereze erinnya lye, mubuulire ebikolwa bye mu mawanga, mwogere nti erinnya lye ligulumizibwe.”#Zab 105:1; 145:4,6; 148:13 5Mu muyimbire Mukama, kubanga akoze eby'ekitalo. Mubimanyise mu nsi yonna. 6Yogerera waggulu era oyimbire waggulu n'essanyu, ggwe atuula mu Sayuuni: kubanga Omutukuvu owa Isiraeri ali wakati mu ggwe mukulu.#Is 1:4, Kubal 11:9
Currently Selected:
Isaaya 12: LBR
Highlight
Copy
Compare
Share
Want to have your highlights saved across all your devices? Sign up or sign in
All rights are reserved to the Bible Society of Uganda.
