YouVersion Logo
Search Icon

Romans 16

16
Paul Paġlagai Ukpiqtuat
1Paġlatqugiga ilivsiññun aniqatikput Phoebe, aġnaq tiikauruaq aŋaiyyuliqiruani Cenchrea-mi, 2akuqtuġumagiksi akuqtuisikaavsisun kisunik allanik ukpiqtuaguruanik Ataniġmi, ilaaguaqtauŋaruanik God-mun. Ikayuġumagiksi supayaamik piqaqtuksraukpan, qanuq ilaan ikayuŋammigai iñugiaktuat iñuich, uvaŋalu iḷagivluŋa. 3#Ac 18.2.Paġlasigik Priscilla-lu Aquila-lu ikayuqtikaaka savaurriñiġmi Christ Jesus-mik, 4anayasaaġaluaġuugaak iñuggurrik iñuuliñiaqłuŋa. Taamna pisigivlugu, uvaŋalu iluqaġmiglu aŋaiyyuliqiruat Jew-guŋitchuat quyanaaġivut. 5Paġlasigiktauq aŋaiyyuliqiruat igluagniittuat. Paġlasiuŋ piviuttaġikkaġa Epaenetus, ukpiqtuaġuqqaaŋaruaq Christ-mun Asia-mi. 6Paġlasiuŋ Mary siġġaqiŋaruaq akunnavsiññi. 7Paġlasigik Andronicus-lu Junia-lu, nanmiñiq iḷaka, sivuaniḷu tigutaaqtauqatigiŋakkaka. Nuimaruk akunġanni God-im tiliraŋisa, suli ukpiqtuaġuŋaruk uvaŋa sivumni.
8Paġlasiuŋ Ampliatus, ukpiqtuaguqatiga piviuttaġivlugu. 9Paġlasiuŋ Urbanus, savaqatikput Christ-mun, piviuttaġiraġalu Stachys. 10Paġlasiuŋ Apelles manimmisiqaŋaruaq ukpiqtuagulluataqłuni Christ pisigivlugu. Paġlasigik igluqatigikkaŋi Aristobulus-gum. 11Paġlasiuŋ nanmiñiq iḷaga Herodion. Paġlasigik ukpiqtuaguruat Ataniġmun Narcissus igluqatiŋi. 12Paġlasigik Tryphaena-lu Tryphosa-lu savaktauruak Ataniġmun. Paġlasiuŋ piviuttaġirauruaq Persis siġġaqivluni savaurriŋaruaq Ataniġmik. 13#Mk 15.21.Paġlasiuŋ Rufus ukpiqtuagulluataqtuaq. Paġlasiuktauq aakaŋa, aakaummatun inmiruaq uvamnun. 14Paġlasigik Asyncritus-lu Phlegon-lu Hermes-lu Patrobas-lu Hermas-lu aniqativullu tavrani ittuat. 15Paġlasigik Philologus-lu Julia-lu Nereus-lu aniqataalu aġnaq, Olympas-lu iluqaisalu ilaaguaqtauruat God-mun tavraniittuat. 16Paġlatisitchi avanmun paġlatikaaŋannik ukpiqtuaguruat. Iluqaġmiŋ aŋaiyyuliqiruaŋisa Christ-gum paġlagaasi.
Paul Siḷġiqsuutiŋi
17Aniqatiit, qaunagipiaġataqugivsi iñuŋnik qanaaġuksautausuuruanik, atiŋirrutiksriuġuuruaniglu, akiḷḷiḷiqsuisuuruanik iḷisausiakaavsiññik. Tainnatchiñiñ niguaqtuġumausi. 18Qanuq tainnatchit iñuich savautiŋitkaat Ataniqput Christ, piñiaqsiññaqługu ilaisa pisukkaqtiŋ. Uqayuqsaaġutitigun, uqayutchiñiaġutitigullu sagluqinniguurut iñuŋnik iḷisimavigruaŋitchuanik iḷumun ittuamik. 19Iñuich iluqaġmiŋ tusaaganiŋarut qanutun kamaksriŋatilaavsiññik God-im uqaluŋiñik, aasii taamna pisigivlugu quviasuktuŋa. Iḷisimalluataqugivsi sum nakuutilaaŋanik, iḷaksiayumiñaiġḷugu suna pigiitchuaguruaq. 20Tainna iñuusiqaġuvsi, God-im aŋuyautairrutiqaqtitchiruam akiisinniaġaa Tuunġaq, ilivsiññun tunmalugimmatun siqumiłługu. Nagliktuutiqpaŋata Atanipta Jesus Christ itqatigilisi. 21#Ac 16.1.Timothy-m savaqanma paġlagaasi. Lucius-lu Jason-lu Sosipater-vlu nanmiñiima paġlammigaasi. 22Uvaŋa Tertius, aglaktuaŋaa ukuniŋa tuyuutinik, paġlagivsi. 23#Ac 19.29; 1 Co 1.14; 2 Ti 4.20.Gaius-gum tukkuuruam uvamnun iluqaiññullu aŋaiyyuliqiruanun, paġlagaasi. Erastus-gum iniqpaum manniqiraata, Quartus-lu aniqatipta, paġlagaasi. 24[Nagliktuutiqpaqaġli Ataniqput Jesus Christ iluqapayauravsiññun. Amen.]
Aġiusaun Aŋaiyyutigivlugu Nanġaun God-mun
25Qaitkivsi God-im munaqqutaanun, suaŋasiḷaaġiḷḷaruamun ukpiġutivsiññik nalaułługu tusaayugaaġiksuat uqautaat, uvaŋa uqausivsun ilivsiññun. Taamna tusaayugaaġiksuaq Christ-kun kaŋiqsiñaiñŋaruaq aippaapak. 26paŋmapak salapqiŋaruq. Tusaayugaaġiksuat iḷisimanaqsiŋarut iñupayaanun, ukpiliquvlugich Christ-mun. Tavra taamna God-im uqaqtiŋisa aglautiŋakkaŋat, aasii taŋŋiutauruq isuitchuamun God-auruam piraksriutaanun. 27God, kisimi isumaturuaq, nanġaqtauli isuitchuamun Jesus Christ-kun Ataniptigun. Amen.

Currently Selected:

Romans 16: INUPIAQ

Highlight

Share

Copy

None

Want to have your highlights saved across all your devices? Sign up or sign in