1 Corinthians Iḷitchuqqutit
Iḷitchuqqutit
Paul-gum sivulliq tuyuutaa Corinth-miunun aglaaguruq siġġaġniuġutiŋisigun ukpiġniaqtuat aŋaiyyuviuruat Paul nappaaŋani Corinth-mi. Taimani Corinth nunaqpauŋaruq aullarrauvluni Rome nunaŋiññi Achaia-mi. Tavrani suġalliruaqaŋaruq, Greek-guniqtik qutchiksuaġivlugu, siaminŋaruq iñuumaqłuun suli iñugiagmiut aŋaiyyuviich qanusiḷimaat. Uqausiġigai isumaaluutigivlugi inmikkuaŋasiruallu iñuumaqłuktaqtuallu aŋaiyyuviŋmi, suli kaŋiqsiñaiqsuat tuvaaqatigiich, isumamun aŋalatitchaiḷiñiq, aŋaiyyuvium igliġniŋa, ilitqusiġiksuam igliġniŋa, suli aŋipkaqtaunikun. Uqausiġigaa qanuq uqalugiksuamun tamatkua savaaġitilaaŋiññik. Chapter 13 iñuich iḷitchuġiłhaaŋasugnaġaat uqausiqaqtuaq nakuaqqunmik piqpaŋnałhaaqtuamik God-im aitchuutiŋiññiñ iñuŋmiñun.
Avgutit
Sivulliqsaaġun 1.1-9
Atinġiqsuat aŋaiyyuviŋmi 1.10—4.21
Allatuutaiññiq suli aŋayuqaaġiich 5.1—7.40
Ukpiġniaqtuat suli god-aiḷat 8.1—11.1
Aŋaiyyuviuniq suli aŋaiyyuliaġniq 11.2—14.40
Atanġuvlu ukpiġniaqtuallu aŋiñiŋat 15.1-58
Aitchuutit Judea-mi ukpiġniaqtuanun 16.1-4
Sivunniuġutiŋiḷu aġiusaullu 16.5-24
Currently Selected:
1 Corinthians Iḷitchuqqutit: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)