Sakari 10
10
Mɛlɛka ndu pilɛ kpé co Hala kpeekpeiyo ni
1«La ɲuna Mɛlɛka mò tuisul niaa piɔɔ,
mì piɔɔ a tuma sialte taselen.
Mɛlɛka tuisi piɔɔ deŋiaa hoeyii fùkù-fùkoo ni.
O tuisilnin niaa piɔɔ pɔ̀lɔ̀-pɔ̀lɔ̀ɔ́ taw,
o tosanin mì billo vil
o yondola vana-vana coo.
2Kani piɔmaa tongoniŋaa niaa co piɛiyo-a
co niaa mulullo a sɔɔn lacòòvan.
Mandea co vannda vunduma lacòòvan dimullo,
à co lɔma sɔlaama lacòòvan dimio,
à co vannda ɲɔɔloo a kpaavɛi.
Lelan vannda ha kɔɛnnun
a laasianndo ni maa n'cɔlu,
a co o mɔnɛi nin maa saa nɔ vana mandaa le-a.
3Lelan, i tuulu kɔl taw a vanaa mandaa n'saa,
i co simlacia sangaa tuisi coo.
Kani ya Mɛlɛka-Nɔ-Kpaayaa-Kpow-vo,
i nɔ yiyanndo saa nia kundaa coo,
polale Yuda len pɛɛn.
I co nda siinguu maa so ni latɔ́ɔ́-tɔ́ɔ́
le kɔlan cɔwvo tosaa.
4O polale Yuda len nin
simlacia kpede a fulanin ni.
A vanin a kala maa pow lebol tangulaa,
maa pikii ciɛi-kola-toandaa,
maa kpaasiaa cɔw.
5A vanin o cɔwvo nin maa kuubaa cɔw,
mà nɛw loolio o nɛi a labɛngu.
Lende nda tosanin cɔwvo ni.
Kani Mɛlɛka vanin nda ikɛi,
lelan, yaamɔaa ndaa vanin o soa coo
mì siɛmbulan la bii nda.
6I lueinin polale Yuda len yoomuan,
mì baŋa polale Yosɛf len.
I minginin nda o la nda lo,
kani ɲíí ndɛi co ya.
A vanin vana ca kaa kabi bɛɛ
yáà tuw-vɔ nda polon te.
Ya co Mɛlɛka ni, Hala ndaa pɛɛn,
i mululnin nda piɛilen.
7Cuavaa-imamaa Efraim-nda
nɔnin kpaayaa maa kuubaa cɔw.
A vanin a kɔlkɛndɔɔ
mɛɛ vana kol mɔiyan
ma va a kɔlkɛndɔɔ nuaa yɛ.
Poaa ndaa canin kon
mì nda bɛɛ dɔwnun ɲaale.
A dɔawnunnin ɲaale taw o Mɛlɛka nin.
8I veelunin nda a hùíyé hɔŋndo,
mì cuungiaa nda nɛɛ pilɛ.
Kani i cii nda baŋa,
a vangalanin vɛlɛ ma va sɛ́lɛ́
mɛɛ ndáà va paandu sɛ́lɛ́ yɛ.
9I sɛŋi nda vanaa súúla celen tɛɛn,
kɛ a lonin nɛɛ levil lon polon mà loonun a ya.
A calnin ndon a cuavaa ndaa,
o kon kɔɔli, a muungunin o nda lo.
10I faŋanin nda Esipte,
mì mingi nda nanu.
I faŋanin nda Asiri,
mì cuungiaa nda nanu,
i lueinin nda o tàndá Kalaad-o nin
a o lɛŋnde Liban-nden nin.
Kɛ hali kon, fonda kon tiwnin nda le.
11A taŋnin mɛmma ihɛlma imɔnɔan#10.11 mɛmma ihɛlma imɔnɔan: Sɛbɛ paandoo o krɛkiei nin dim aa mɛmma ihɛllan Esipte. Kon co dimio maa mɛmma ihɛlma makpɛ̀ndɛ̀an, ma Mɛlɛka veesiaa lɔ́ɔ́ kon mí cuavaa Israɛlla taŋ-ndan pɛɛn.,
Ya Mɛlɛka, i lɔanin tindima mɛmma ihɛllan,
limun pee bɛndoo Nil kpow n velanin,
kuundian vannda Asiri tambunin,
tinda lemasa Esiptea puununnin nda o ba.
12I lueinin Israɛlla yoomuma fula
ya Mɛlɛka o ba-an,
a vanin kelaa o diola ya Mɛlɛka lan bɛngu.
Ya Mɛlɛka dimi lende ni.»
Currently Selected:
Sakari 10: BKG
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée
