Yɔɛl 3
3
Hala tuisinin Kɔl ndɔ Diandaa o palɛi mɛɛlɛi
1«O kon kɔɔli, i tuisinin Kɔl nuu vanndacieea kpow coo:
poaa niaa a cuavaa niaa laandua
tɛɛnguunin diom Hala-o.
Kaasoŋaa yuuvɛyaa niaa sɔlnin lɔan,
felengia niaa canin vunduan.
2Hali cɛa piaandua a à laandua coo, i tuisinin Kɔl nuu o palɛi ken nin.
3I tosanin dɛnnda kaamaalan o halataala a o lɛŋnden coo:
koovan, yinnden a tindile ikumnden.
4Paalen le mangalanin ɲumndan,
mì paangei siŋnun koovan
telen pá mì paale Mɛlɛka len le tiiya,
paale kpúlúnkùmalen a paale kpundɛ bɛndule len.
5O kon, vana-vana veelu pɛ diola
Mɛlɛka lan o piɛilen nin,
ndu sɔla cindaa.
Kani vanaa hialunnin-nda
vanin o pembei Siɔn coo
a o kobio Yerusalɛm nin.
O vanaa lonin yoomu-a tɛɛn,
vanaa Mɛlɛka veelu-a vanin
maa mɛɛ ndu Mɛlɛka pila dimi yɛ.»
Currently Selected:
Yɔɛl 3: BKG
Highlight
Share
Copy
Want to have your highlights saved across all your devices? Sign up or sign in
© Alliance Biblique en Guinée
