Amɔs 6
6
Dɛnɛ palaa co le vanaa bolofaa a vanaa bɛndua Israɛlla
1Dɛnɛ palaa co niaa cum,
niaa connun icali o ba niaa coo yili Siɔn-nda,
a niaa connun icali o ba niaa coo
o pembon Samari coo-a.
A toɲa, dɛnɛ palaa co niaa cum,
niaa vanaa bɛndua co o lɛŋnde co lɛŋnde taselen
o lɛŋii tɔ̀i tɛɛn-nde nin-nda.
O niaa lo cuavaa Israɛlla co kɔlan a kiltan ni.
2La kɔ Kalnee mì la kɔ tofa ɲɛ tosan lon-ndo.
La cɛn pɛ lon, la kɔɛ háá o kobi bɛndoo Hamat nin.
La cɛn pɛ lon, la tol Kat o Filistia lo.
La kela vɔ mɛɛndianndo lende,
mì la sina te kobila lan
la hiow masɛi niɛi ŋiinnde naŋɔɔ,
te lɛŋnde ndalen le hiow le niaalen vaa lebɔɔ.
3Kani la co yiyanndo maa la tiwba
le paale dɛnɛ palaalen mingio a makɔɔ lándán.
Kɛ masale kɔlvesɛilen niaa pila
co sɔɔngɔnndo coo lende nuaa ni.
4La co ihini o kpelela toosian a ciŋun kamaa lan coo,
mì la sɛɛŋun kpɛŋɛla sɔlɔbɔlɔɔlan,
mì la va saa kóndóa téndéa sɔmndo,
mì la va navaa téndéa niaa hɛli
o hèéo nin-nda dioo.
5Bangalan la co lɔɔnɔnndo
mì niaa va condei solio o foofo.
La co yiyanndo maa la co ɲɛm-caan caa lɔɔ maa David.
6La co mɔiyan kolɔɔ a taalala humanndan.
La co cuɛima kɛndɛ-kɛndɛan suunɔnndo,
kɛ la co buulan le dɛnɛ palaa
co polale Yosɛf len mɛngɛlaa-o le.
7Lelan, vanaa nda biinin mà kɔɛ a nda o cɛlen nin-nda,
niaa co va laci ni.
O kon, yoondiaala kɔlkɛndɛla
niaa co ihini lan la cuunin niaa tɛɛn.»
Le tambii tàndàá Samari
8«Maalii, o co Mɛlɛka-o mɛnan a ndu pila,
ɲɛ Mɛlɛka, Hala-Nɔ-Kpaayaa-Kpow-vo dimi-o co hoo ni aa:
‹Yonga cuavaa Yakɔb-a tɛɛmbuu ya kɔllo,
i yeema lɛ cɛila ndala lemasalan te.
Lelan, i co hunɔɔ kobio Samari
a ɲɛm co lenin-ndon malɔɔ yaamɔɔa o ba.
9Te n'van tɔ́ ndáà lo paandu yoomu o cɛiyo pum nin ni,
o laan nin, nda kpow a cuunin vu.
10Te vanndo pum cua pɛ vana vílɛ́i ndɔɔ
le kɔlan ndu lomɔɔ,
o ɲunanin vana co cɛinin di-o aa:
Vɛ̀ɛ̀ vana celen co nɔm ikɛi lon?
Vana kon mulinin aa:
Vana co lɛ nanu le.
Vanndo pilɔɔ diminin aa:
N meinun kpili!
O co telen vana pial Mɛlɛka ladio le co hoo le.
11Kani Mɛlɛka yɔngu diomndo aa:
Cɛila bɛndulan la koombiaanin,
mì lapɔmbɔlan la buuluu tɛɛngon.
12Vɛ̀ɛ̀ soa nɔla ma ɲaanun o pow kpovaa coo?
Vɛ̀ɛ̀ vana váà a navaa vàá o pow bandíláà coo?
Kɛ niaa, la mangala dɛnɛ sakpoo maa bɔtà,
mì la mingi kɔmnde dɛnɛ sandaa maa ɲɛ lolo.
13Le ɲɛm co ɲɛ-ɲɛ le-on niaa dɔawnun ɲaale ni.
La co kuundianndo a dimio aa:
Vɛ̀ɛ̀ o co a kpaaya naa pilaa le
naa n sɔla yoomuan man te?
14Lelan niaa cuavaa Israɛlla,
la tuei-yɔ ɲɛ Mɛlɛka, Hala-Nɔ-Kpaayaa-Kpow-vo dimi-o:
I cuanin vanaa-mangalaa-isɔɔa pum,
mà kandu niaa kpukpaa Lebo-Hamat,
mà kɔ tiiya a niaa mɔnɛi lueiyo
háá o pee pɔmbɔ co o bóllo Araba nin-ndo.›»
Currently Selected:
Amɔs 6: BKG
Highlight
Share
Compare
Copy
Want to have your highlights saved across all your devices? Sign up or sign in
© Alliance Biblique en Guinée
