HIVA ‘O E HIVA 7
7
Ko e Tamá
1HONO ‘ikai faka‘ofo‘ofa ho va‘e na ‘i he teka,
Si‘i ta‘ahine ‘eiki!
Ko e momole ho ongo tenga ‘oku hangē ko e siueli,
Ko e ngāue ‘a e nima ‘o e tufunga poto.
2Ko ho funga kona ko e ipu fakamāhina–
Ke ‘oua na‘a masiva ha kava fetuiaki!
Ko ho kete ko e puke uite
Kuo ‘aa‘i lile.
3Ko si‘o ongo huhu na ko e ua‘i manu mui tofu pē,
Ko e māhanga‘i kaseli.
4Ko si‘o u‘a ‘oku hangē ha taua lei;
Ko si‘o ongo mata ko e ongo lepa ‘i Hesiponi,
‘I he ve‘e matanikolo ko Patalapi;
Ko si‘o ihu ‘oku tatau mo e taua ‘o Lepanoni,
‘A ia ‘oku hanga ki Tāmasikusi.
5Ko ho ‘ulu ‘oku fungani ‘aki koe,
‘Oku hangē ko Kāmeli,
Ko e malimu si‘o lau na ‘oku hangē ko e kula po‘upo‘uli–
‘a e tu‘i ‘oku ha‘i ‘aki ni tope!#7.5 ‘aki… topé; ‘Oku ‘ikai ke mahino ‘a hono faka-Hepeluú.
6Hono ‘ikai faka‘ofo‘ofa,
Pe hono ‘ikai vovo ‘a ‘ofa
‘I he lau fiefia‘anga!
7Ko ho fōtunga na ko hono tuha ko e fu‘u paame,
Pea ko ho ongo huhu na ko e ongo fuhi niu.
8Na‘a ku pehē,
Te u kaka ‘i he fu‘u paame;
Te u puke hono va‘a:
‘Ē, ke hoko ho ongo huhu na
Hangē ko e ongo fuhinga kālepi,
Mo e nanamu ho‘o mānava
Hangē ko e ‘āpele.
9Mo ho ‘ao‘ingutu
Hangē ko e kava lelei, ‘Inē, koā!
Ko e Ta‘ahiné
Ko e kava hoku ‘ofa‘anga ‘oku maholo lelei hifo,
Ko e me‘a fakalea ‘a e kau mohe.#7.9 Ko e… mohe; Ko hono faka-Hepeluú ia; pe ‘o tafe atu he loungutu mo e nifo ‘o e kau mohé, ka ‘oku pehē ‘i he ngaahi hiki fuoloa ‘e ni‘ihi: ‘o tafe atu ‘i hono loungutú mo hono nifó.
10Ko e me‘a ‘a hoku ‘ofa‘anga au,
Pea ‘oku hu‘u kiate au ‘ene holi.
11Ha‘u ange, si‘oku ‘ofa‘anga,
Ta ō ki he tuku‘uta,
Ta nofo vilisi.#7.11 vilisi; pe manafa.
12Ta uhu ki he ngaahi ngoue vaine,
Ta vakai pe kuo muka ‘a e vaine;
Na‘a kuo lūpū ia;
Na‘a kuo moto ‘a e pomikānite
Ko e potu ia te u ‘atu ai ‘eku ‘ofa.
13‘Oku manongi ‘a e ‘akau fakafanau,
Pea kuo hilifaki ‘i homau ngaahi funga matapā
‘a e fungani kai kehekehe,
Ko e me‘a fo‘ou mo e me‘a motu‘a foki,
‘A ia kuo u tauhi ma‘au, si‘oku ‘ofa‘anga.
Currently Selected:
HIVA ‘O E HIVA 7: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
