HIVA ‘O E HIVA 6
6
Ko e Ta‘ahiné
1KUO laka ki fē ho ‘ofa‘anga,
Si‘i fefine hōihoifua taha?
Kuo afe ki fē ho ‘ofa‘anga,
Ka tau kumi ki ai fakataha mo koe?
Ko e Ta‘ahiné
2Kuo ‘alu hifo hoku ‘ofa‘anga ki he‘ene ngouetapu,
Ki he ngaahi puke ‘akau kakala,
Ke fai ‘ene tauhi sipi ‘i he ngaahi ngouetapu,
Pea ke toli lile.
3Ko au ‘oku ‘o hoku ‘ofa‘anga,
Pea ko hoku ‘ofa‘anga ‘oku ‘o‘oku:
Ko hono fanga‘anga manu ko e potu lile‘ia.
Ko e Hiva Hono Nima
Ko e Tamá
4‘Oku ke faka‘ofo‘ofa, ‘alā ko hoku ‘ofa‘anga,
Hangē ko Tīlisa,
Matamatalelei hangē ko Selusalema,
Mamalu hangē ko ha tau fuka‘ia.#6.4 Mamalu hangē ko ha tau fuka‘ia; ‘Oku ‘ikai ke mahino hono faka-Hepeluú, ka ‘oku ngali tonu hono hiki ‘o: Mamalu ‘o hangē ko e ongo kolo ko iá. 5Sio kehe ho ongo mata na,
He kuo na ikuna au.
Ko ho lau ‘oku hangē ha tākanga kosi
‘Oku makalava mei Kiliati.
6Ko ho nifo na ‘oku hangē ha tākanga lami,
‘A ia kuo ‘alu hake mei he kaukau;
Ko e kau māhanga kotoa pē,
‘O ‘ikai ha ‘ulutefua ai.
7Hangē ha ‘io‘i pomikānite ho manifinifihanga,
‘Ene hā mei ho loto veili.
8‘Oku toko onongofulu ‘a e kuini,
Pea valungofulu ‘a e sinifu,
Pea ta‘efa‘alaua ‘a e tāupo‘ou.
9Ka ‘oku toko taha pē si‘eku lupe,
Si‘eku ta‘emele,
Ko e me‘a pē taha ‘a ‘ene fa‘ē,
Ko e pele ‘a‘ana na‘e fā‘ele‘i ia,
Na‘e sio kiate ia ‘a e kau ta‘ahine,
‘O nau lau monū ki ai;
Mo e ngaahi kuini foki, mo e kau sinifu.
‘O nau fakahīkihiki‘i ia.
10Ko hai ‘a e fefine ‘oku fakasio mai,
Hangē ko e mafoa ‘a e ata,
Faka‘ofo‘ofa hangē ko e māhina,
‘Asinisini hangē ko e la‘ā,
Mamalu hangē ha tau fuka‘ia?#6.10 Faka‘ofo‘ofa… fuka‘ia? ‘Oku ‘ikai ke mahino ‘a hono faka-Hepeluú, ka ‘oku ngali tonu hono hiki ‘o: Huhulu ‘o hangē ko e la‘aá pe ko e māhiná.
11Kuo u ‘alu hifo ki he ngoue niu,
Ke vakai ‘a e tupu ‘i he tele‘a;
Ke vakai pe kuo muka ‘a e vaine,
Pe kuo fisi ‘a e pomikānite.
12Te‘eki ke u fakakaukau, na‘e lele‘aki au ‘e hoku va‘e
Ki he ngaahi sāliote ‘a hoku kakai hou‘eiki.#6.12 ‘Oku ‘ikai ke mahino ‘a hono faka-Hepelū ‘o e vēsí ni.
Ko e Ta‘ahiné
13Foki mai, foki mai,#6.13 Foki… mai; pe Tau‘olunga, tau‘olunga. Pea pehē pē ki he veesi hoko haké. ta‘ahine Sūlemi;
Foki mai, foki mai, ka mau sio kiate koe.
Ko e Ta‘ahiné
Ko e hā ‘a e Sūlemi ‘oku mou fie sio ki ai?
Hangē ko e me‘e ‘i Mehanemi.
Currently Selected:
HIVA ‘O E HIVA 6: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
