Loma 16
16
Ko e Ngaahi Pōpoaki ‘Ofá
1‘OKU OU fakaongolelei atu ‘a Fīpē, ko si‘otau tokoua lotu, pea ko e fefine akonaki foki ‘i he siasi ‘i Senikelea: 2ke mou tali lelei ia ‘i he ‘Eiki, ‘a ia ‘oku taau mo e kau lotu ke fai; pea ka ai ha me‘a te ne fiema‘u ai ha‘amou tokoni, pea mou poupou ai ia: he ko e toko taha ia kuo ne taukapo‘i ‘a e me‘a ‘a e tokolahi, pea mo au foki.
3Tala hoku ‘ofa kia Pīsila mo ‘Akuila, ko si‘i ongo kaungā ngaue ‘o‘oku ‘i he ngāue ‘a Kalaisi Sīsū:#Ngā 18.2 4ko e ongo me‘a ia na‘a na fakalalango ho‘onaua u‘a ke fakahaofi ‘eku mo‘ui. Tala‘ehai ko au pē ‘oku fakafeta‘i kiate kinaua, ka ‘oku pehē mo e ngaahi siasi kotoa ‘o Senitaile. 5Tala hoku ‘ofa foki ki he siasi ‘oku ‘i hona fale.
6Tala hoku ‘ofa ki si‘oku ‘ofa‘anga ko ‘Epaineto, ‘a ia ko e polopolo ‘o ‘Ēsia kia Kalaisi. Tala hoku ‘ofa kia Mele; ko e fefine ia na‘e lahi ‘ene fakaongosia ma‘amoutolu. 7Tala hoku ‘ofa kia ‘Anitalonaika mo Siunia,#16.7 Siunia; pe Siuniasi; ‘Oku pehē ‘i hono ngaahi hiki fuoloa ‘e ni‘ihi: Siulia. ko si‘i ongo kāinga ‘o‘oku, mo si‘i ongo kaunga-nofo-pilīsone mo au; ko e ongo me‘a ia ‘oku tokangaekina ‘i he ha‘oha‘onga ‘o e kau ‘Aposetolo, pea na‘a na tomu‘a Kalisitiane ‘iate au.
8Tala hoku ‘ofa kia ‘Amipeleasi, ko si‘oku ‘ofa‘anga ‘i he lotu. 9Tala hoku ofa kia ‘Uapane, ko e kaungā ngaue ‘otaua ‘i he ngāue ‘a Kalaisi; pea ki si‘oku ‘ofa‘anga ko Sītaki. 10Tala hoku ‘ofa ki si‘i ‘Āpeli, ko e tangata kuo ‘osi-‘a-sivi ‘i he ngāue ‘a e ‘Eiki. Tala hoku ‘ofa kiate kinautolu ‘oku ‘i he ‘api ‘o ‘Alisitopulo. 11Tala hoku ‘ofa ki si‘oku kāinga ko Hēlotioni. Tala hoku ‘ofa kiate kinautolu ‘oku ‘i he ‘api ‘o Nāsiso, ‘a kinautolu kuo lotu.
12Tala hoku ‘ofa kia Talaifina mo Talaifosa, ‘a ia ‘oku na fakafitefita‘a ‘i he ngāue ‘a e ‘Eiki. Tala hoku ‘ofa kia Pēsisi, ko si‘i fefine ‘ofeina; ko e toko taha ia kuo lahi ‘ene fakafitefita‘a ‘i he ngāue ‘a e ‘Eiki. 13Tala hoku ‘ofa kia Lūfusi, ko e tangata taungafili ‘i he lotu; pea ki he‘ene fa‘ē, ‘a ia ko si‘eku fa‘ē foki.#Ma‘ake 15.21 14Tala hoku ‘ofa kia ‘Asinikalaito, mo Felekoni, mo Heamesi, mo Patalopa, mo Heamasi, mo e kāinga ‘oku nofo mo kinautolu. 15Tala hoku ‘ofa kia Filoloko mo Siulia, kia Nīlio foki mo hono tuofefine mo ‘Olimipa, pea ki he kāinga lotu kotoa pē ‘oku nofo mo kinautolu.
16Mou fefekita‘aki ‘aki ha ‘uma tapu. ‘Oku ‘ofa atu ‘a e ngaahi siasi kotoa pē ‘o Kalaisi.
Ko e ngaahi Tu‘utu‘uni Faka‘osi
17Ka ‘oku te enginaki atu, kāinga, ke mou vakai ‘a kinautolu ‘oku fakatupu ‘a e ngaahi fakavahavaha‘a mo e ngaahi tūkia‘anga ‘a ia ‘oku fehālaaki mo e tokāteline na‘a mou ako ai; pea mou faka‘ehi‘ehi meiate kinautolu. 18He ko e fa‘ahinga ko ia ‘oku ‘ikai te nau ngāue ki hotau ‘Eiki ko Kalaisi, ka ki ho‘onautolu kete pē; pea ko e me‘a he‘enau lea momole‘olunga, mo ‘enau ngutu melie, ‘oku nau kākaa‘i ‘a e loto ‘o e kakai ‘oku fo‘ou ki he kovi. 19Seuke, ko e me‘a ki ho‘omou talangofua, kuo pavake hono ongoongo ki he kakai kotoa pē: ko ia ‘oku te fiefia ‘iate kimoutolu: ka ‘oku te loto ke mou poto ki he fai lelei, kae vale ki he fai kovi. 20Pea ko e ‘Otua, ‘a ia ‘oku ‘a ‘Ene ‘Afio ‘a e fakamelino, ‘e vave ‘ene laiki ‘a Sētane ‘i homou lalo va‘e.
Ko e kelesi ‘a hotau ‘Eiki ko Sīsū, ‘ofa ke ‘iate kimoutolu ia!#16.20 ‘Oku ‘okai ke ‘asi ‘a e kupu ko ení ‘i he ngaahi hiki fuoloa ‘e ni‘ihi.
21‘Oku ‘ofa atu ‘a Tīmote, ko si‘oku kaungā ngāue, kae‘uma‘ā si‘oku kāinga ko Lūsio, mo Sēsoni, mo Sosipeta.#Ngā 16.1
22‘Oku ou ‘ofa atu ‘i he ‘Eiki ‘e au Teasio na‘a ku tohi ‘a e ‘ipiseli ni.
23‘Oku ‘ofa atu ‘a Keio, ‘a ia ‘oku ne tauhi kiate au, pea ki he siasi kātoa. ‘Oku ‘ofa atu ‘a ‘Elasito ko e sētuata fakakolo; pea mo si‘i kāinga ko Kuato. 24Ko e kelesi ‘a hotau ‘Eiki ko Sīsū Kalaisi ke ‘iate kimoutolu kotoa. ‘Ēmeni.#16.24 ‘Oku ‘ikai ke ‘asi ‘a e vēsí ni ‘i he ngaahi hiki fuoloa ‘e ni‘ihi. #Ngā 19.29; 1 Kol 1.14; 2 Tīm 4.20
Ko e Tātuku Hono Fakahīkihiki‘i e ‘Otuá
25Pea ko ‘Ene ‘Afio, ‘a ia ‘oku ne mafai ke poupou kimoutolu ‘i ho‘omou fou ‘i he ‘alunga ‘o ‘eku Kōsipeli, mo e me‘a kuo fanongonongo ‘e Sīsū Kalaisi; ‘io, ‘i he ‘alunga ‘o ha tala mei he Ta‘ehāmai, ko e tala ‘o ha misiteli ne fufū mei he ngaahi kuonga ‘o ‘ītāniti ka kuo fakae‘a ‘i onopooni. 26Pea fakahā ‘i he ngaahi tohi palofisai; ‘o fakatatau ki he tu‘utu‘uni ‘a e ‘Otua ‘o ‘ītāniti, koe‘uhi ke ai ha tuitala ki he lotu ‘i he fa‘ahinga fuli pē.
27–‘io, ‘a ‘Ene ‘Afio ‘oku hā ‘ia Kalaisi Sīsū, ko e ‘Otua ‘oku ‘a‘ana toko taha ‘a e poto–‘ē, ke ‘o ‘Ene ‘Afio ‘a e Kolōlia ‘o lauikuonga! ‘Ēmeni.#16.27 ‘I he ngaahi hiki fuoloa ‘e ni‘ihi, ‘oku tu‘u ‘a e veesi 25-27 ‘i heni pea ‘i he ‘osi ‘a e 14.23; pea ‘oku tu‘u ‘i he ni‘ihi ‘i he ‘osi ‘a e 15.33.
Currently Selected:
Loma 16: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
