Popular Bible Verses from Loma 16

Share

Pea ko e ‘Otua, ‘a ia ‘oku ‘a ‘Ene ‘Afio ‘a e fakamelino, ‘e vave ‘ene laiki ‘a Sētane ‘i homou lalo va‘e. Ko e kelesi ‘a hotau ‘Eiki ko Sīsū, ‘ofa ke ‘iate kimoutolu ia!

Ka ‘oku te enginaki atu, kāinga, ke mou vakai ‘a kinautolu ‘oku fakatupu ‘a e ngaahi fakavahavaha‘a mo e ngaahi tūkia‘anga ‘a ia ‘oku fehālaaki mo e tokāteline na‘a mou ako ai; pea mou faka‘ehi‘ehi meiate kinautolu.

He ko e fa‘ahinga ko ia ‘oku ‘ikai te nau ngāue ki hotau ‘Eiki ko Kalaisi, ka ki ho‘onautolu kete pē; pea ko e me‘a he‘enau lea momole‘olunga, mo ‘enau ngutu melie, ‘oku nau kākaa‘i ‘a e loto ‘o e kakai ‘oku fo‘ou ki he kovi.

Pea ko ‘Ene ‘Afio, ‘a ia ‘oku ne mafai ke poupou kimoutolu ‘i ho‘omou fou ‘i he ‘alunga ‘o ‘eku Kōsipeli, mo e me‘a kuo fanongonongo ‘e Sīsū Kalaisi; ‘io, ‘i he ‘alunga ‘o ha tala mei he Ta‘ehāmai, ko e tala ‘o ha misiteli ne fufū mei he ngaahi kuonga ‘o ‘ītāniti ka kuo fakae‘a ‘i onopooni. Pea fakahā ‘i he ngaahi tohi palofisai; ‘o fakatatau ki he tu‘utu‘uni ‘a e ‘Otua ‘o ‘ītāniti, koe‘uhi ke ai ha tuitala ki he lotu ‘i he fa‘ahinga fuli pē. –‘io, ‘a ‘Ene ‘Afio ‘oku hā ‘ia Kalaisi Sīsū, ko e ‘Otua ‘oku ‘a‘ana toko taha ‘a e poto–‘ē, ke ‘o ‘Ene ‘Afio ‘a e Kolōlia ‘o lauikuonga! ‘Ēmeni.