KO E ME‘A FAKAHĀ 3
3
Ko e Tohi ki Sātisi
1PEA tohi ki he ‘āngelo ‘o e siasi ‘i Sātisi;
Ko eni ‘a e folofola ‘a e To ko Taha ‘a ia kuo ‘iate ia ‘a e Laumālie fitu ‘o e ‘Otua, pea mo e fetu‘u ‘e fitu; ‘Oku ou ‘ilo pē ho‘o ngaohi ngāue, ‘io, ‘oku ke hingoa ko e mo‘ui ka ‘oku ke mate pē.
2Ke ke ‘ā ‘o le‘o; pea poupou ha‘o ngaahi me‘a ‘oku kei toe, ‘a ia ne mei mate; he tala‘ehai kuo u ‘ilo ha‘o ngaahi ngāue ‘oku kakato ‘i he ‘ao ‘o hoku ‘Otua. 3Ko ia ke ke manatu ki he anga ‘o ho‘o ma‘u, mo ia na‘a ke fanongo ki ai, mo ke tauhi ma‘u ia, ‘o ke fakatomala leva. Pea kapau ‘e ‘ikai te ke ‘ā, te u ‘alu atu hangē ha kaiha‘a, pea ‘e ‘ikai ‘aupito te ke ‘ilo pe ‘e fakakū ha‘aku ho ko hifo kiate koe.#Māt 24.43-44; Luk 12.39-40; Fkhā 16.15 4Ka ‘oku ke ma‘u ha hingoa ni‘ihi ‘i Sātisi, ‘a ia kuo ‘ikai te nau ‘uli‘i honau kofu; pea ko kinautolu te nau hā‘ele mo au kuo kofu hinehina: he ‘oku nau taau. 5Ko ia ia te ne ikuna pehē, ‘e ‘ai kiate ia ha ngaahi kofu hinehina; pea ‘e ‘ikai ‘aupito te u tāmate‘i hono hingoa mei he tohi ‘o e mo‘ui, pea te u fakamo‘oni hono hingoa ‘i he ‘ao ‘o ‘eku Tamai, pea ‘i he ‘ao ‘o ‘ene kau ‘āngelo.#‘Eki 32.32-33; Saame 69.28; Fkhā 20.12; Māt 10.32; Luk 12.8
6Ko ia ‘oku telinga, ke ne fakafanongo ki he me‘a ‘oku folofola‘aki ‘e he Laumālie ki he ngaahi Siasi.
Ko e Tohi ki Filatelifia
7Pea tohi ki he ‘āngelo ‘o e siasi ‘i Filatelifia, ‘o pehē;#‘Ais 22.22; Siope 12.14
Ko eni ‘a e folofola ‘a Mo‘oni, ‘a Toputapu, ‘a e To ko Taha ‘oku ‘iate ia ‘a e kī ‘a Tēvita, ‘a ia ‘oku ne to‘o pea ‘ikai tāpuni ‘e ha taha, pea ‘oku ne tāpuni, pea ‘ikai to‘o ‘e ha taha.
8‘Oku ou ‘ilo pē ho‘o ngaahi ngāue: ko eni kuo u tuku kiate koe ha matapā kuo ava, ‘a ia ‘oku ‘ikai mafai ‘e ha taha hano tāpuni: koe‘uhi ‘oku si‘i ho ivi, ka kuo ke tauhi ‘eku lea, pea na‘e ‘ikai te ke fakafisinga‘i hoku hingoa. 9Ko eni, te u tuku atu ha ni‘ihi ‘o e sinakoke ‘o Sētane ‘oku taukave ko e Siu kinautolu, ka ‘oku ‘ikai, ka ko ‘enau loi; ‘io, te u ngaohi kinautolu ke nau ‘alu atu ‘o hū ‘i ho va‘e, pea ke nau ‘ilo kuo u ‘ofa kiate koe.#‘Ais 49.23; 60.14; 43.4 10Ko e me‘a ‘i ho‘o tauhi ‘a e tala ke ke fai ‘a e kātaki ‘a‘aku, ko au foki te u tauhi koe mei he taimi ‘ahi‘ahi ‘oku ene ke ho ko ki māmani kātoa, ke ‘ahi‘ahi‘i ‘a kinautolu fuli pē ‘oku nofo ‘i he fonua. 11‘Oku vave ‘eku ‘alu atu; kuku ke ma‘u ‘a e me‘a ‘oku ke ma‘u, ke ‘oua na‘a to‘o ho kalauni ‘e ha taha kehe. 12Ko ia ia te ne ikuna, te u ngaohi ia ko e pou ‘i he Temipale ‘o hoku ‘Otua, pea ‘e ‘ikai te ne toe ‘alu atu: pea te u tohi ki ai ‘a e huafa ‘o hoku ‘Otua, mo e hingoa ‘o e kolo ‘o hoku ‘Otua, ‘a Selusalema fo‘ou ‘a ia ‘oku ‘alu hifo mei he langi mei hoku ‘Otua, pea mo e hingoa ‘o‘oku, ‘a hoku hingoa fo‘ou.#Fkhā 21.2; ‘Ais 62.2; 65.15
13Ko ia ‘oku telinga, ke ne fakafanongo ki he me‘a ‘oku folofola‘aki ‘e he Laumālie ki he ngaahi siasi.
Ko e Tohi ki Leotisia
14Pea tohi ki he ‘āngelo ‘o e siasi ‘i Leotisia, ‘o pehē;#Pal 8.22
Ko eni ‘a e folofola ‘a ‘Ēmeni, ko e Fakamo‘oni Falala‘anga mo Mo‘oni, ko e Kamata‘anga#3.14 Kamata‘anga; pe pule. ‘o e Fakatupu ‘e he ‘Otua.
15‘Oku ou ‘ilo pē ho‘o ngaahi ngāue, ‘a e ‘ikai te ke momo ko pe māfana, ‘Amusia ange ‘e au ‘oku ke momo ko pe ‘oku ke māfana! 16Ka ‘i ho‘o pehena, ‘o māmāfana pē, ‘o ‘ikai te ke māfana pe momoko, ko ia ‘oku ou teu pu‘aki koe mei hoku ngutu. 17He ‘oku ke pehē tokua, Tū ko e koloa‘ia au, ‘io, kuo u ma‘u me‘a, pea ‘oku ‘ikai haku masiva; ka ‘oku ‘ikai te ke ‘ilo ko koe ia ‘a e mala‘ia taha, mo e tu‘utāmaki taha, pea masiva mo kui mo telefua. 18‘Ē, ‘oku ou fale‘i koe ke ke hanga ‘o fakatau meiate au ha koula kuo toki haka ‘i he afi, ka ke koloa‘ia; mo ha ngaahi kofu hinehina ke ke kofu ‘aki, ke ‘oua ‘e hā ‘a e mā‘anga ‘o ho‘o telefua; pea mo ha feau ke pani ‘aki ho mata, ka ke ‘ā. 19Ko au, ‘ilonga ‘a kinautolu ‘oku ou ‘ofa ki ai ‘oku ou valoki‘i mo kinisi: ko ia, mou fai manavakāvakava, pea fei mo fakatomala.#Pal 3.12; Hep 12.6 20Ko eni ‘oku ou tu‘u ki he matapā, ‘o tukituki. Kapau ‘e fanongo ‘e ha taha ki hoku le‘o, ‘o ne to‘o ‘a e matapā, pea te u hū kiate ia, pea te u kai ‘ohomohe mo ia, pea te ne kai ‘ohomohe mo au. 21Ko ia ia te ne ikuna, te u tuku ke ne nofo mo au ‘i hoku taloni, ‘o hangē na‘a ku ikuna mo au, ‘o u nofo mo ‘eku ‘Eiki ‘i hono taloni ‘o‘ona.
22Ko ia ‘oku telinga, ke ne fakafanongo ki he me‘a ‘oku folofola‘aki ‘e he Laumālie ki he ngaahi siasi.
Currently Selected:
KO E ME‘A FAKAHĀ 3: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
