Popular Bible Verses from KO E ME‘A FAKAHĀ 3

Share

Ko eni ‘oku ou tu‘u ki he matapā, ‘o tukituki. Kapau ‘e fanongo ‘e ha taha ki hoku le‘o, ‘o ne to‘o ‘a e matapā, pea te u hū kiate ia, pea te u kai ‘ohomohe mo ia, pea te ne kai ‘ohomohe mo au.

‘Oku ou ‘ilo pē ho‘o ngaahi ngāue, ‘a e ‘ikai te ke momo ko pe māfana, ‘Amusia ange ‘e au ‘oku ke momo ko pe ‘oku ke māfana! Ka ‘i ho‘o pehena, ‘o māmāfana pē, ‘o ‘ikai te ke māfana pe momoko, ko ia ‘oku ou teu pu‘aki koe mei hoku ngutu.

Ko au, ‘ilonga ‘a kinautolu ‘oku ou ‘ofa ki ai ‘oku ou valoki‘i mo kinisi: ko ia, mou fai manavakāvakava, pea fei mo fakatomala.

‘Oku ou ‘ilo pē ho‘o ngaahi ngāue: ko eni kuo u tuku kiate koe ha matapā kuo ava, ‘a ia ‘oku ‘ikai mafai ‘e ha taha hano tāpuni: koe‘uhi ‘oku si‘i ho ivi, ka kuo ke tauhi ‘eku lea, pea na‘e ‘ikai te ke fakafisinga‘i hoku hingoa.

Ko ia ia te ne ikuna, te u tuku ke ne nofo mo au ‘i hoku taloni, ‘o hangē na‘a ku ikuna mo au, ‘o u nofo mo ‘eku ‘Eiki ‘i hono taloni ‘o‘ona.

He ‘oku ke pehē tokua, Tū ko e koloa‘ia au, ‘io, kuo u ma‘u me‘a, pea ‘oku ‘ikai haku masiva; ka ‘oku ‘ikai te ke ‘ilo ko koe ia ‘a e mala‘ia taha, mo e tu‘utāmaki taha, pea masiva mo kui mo telefua.

Ko e me‘a ‘i ho‘o tauhi ‘a e tala ke ke fai ‘a e kātaki ‘a‘aku, ko au foki te u tauhi koe mei he taimi ‘ahi‘ahi ‘oku ene ke ho ko ki māmani kātoa, ke ‘ahi‘ahi‘i ‘a kinautolu fuli pē ‘oku nofo ‘i he fonua.

‘Oku vave ‘eku ‘alu atu; kuku ke ma‘u ‘a e me‘a ‘oku ke ma‘u, ke ‘oua na‘a to‘o ho kalauni ‘e ha taha kehe.

Ke ke ‘ā ‘o le‘o; pea poupou ha‘o ngaahi me‘a ‘oku kei toe, ‘a ia ne mei mate; he tala‘ehai kuo u ‘ilo ha‘o ngaahi ngāue ‘oku kakato ‘i he ‘ao ‘o hoku ‘Otua.