KO E ME‘A FAKAHĀ 18
18
Ko e Kapa ‘o Pāpiloné
1HILI ia na‘a ku vakai ha ‘āngelo ‘e taha ‘oku ‘alu hifo mei he langi, kuo ‘iate ia ha mālohi lahi; pea na‘e hulu‘ia ‘a māmani ‘i hono ngingila. 2Pea na‘a ne kalanga fu‘u le‘o lahi, ‘o pehē,
Kuo tōkilalo, kuo tōkilalo ‘a fu‘u Pāpilone,
Pea kuo ho ko ko e nofo‘anga tēvolo,
Ko e pilīsone ‘o e fa‘ahikehe fuli pē,
Mo e fīnaki ‘o e manupuna kotoa pē ‘oku ta‘ema‘a mo fehi‘anekina.#‘Ais 13.21; 21.9; Sel 50.39; 51.8; Fkhā 14.8
3He kuo tōkilalo ‘a e pule‘anga kotoa pē,
He‘enau inu mei he uaine,
Ko e tautea ‘o ‘ene fe‘auaki:
Pea kuo fai fe‘auaki mo ia
‘a e ngaahi tu‘i ‘o māmani;
Pea ko e kau mesianiti ‘o māmani
Kuo nau koloa‘ia ko e me‘a ‘i he lahi
‘O ‘ene mo‘ui faka‘ei‘eiki.#‘Ais 23.17; Sel 51.7
4Pea na‘e ongo mai ha le‘o ‘e taha mei he langi na‘e pehē,#‘Ais 48.20; Sel 50.8; 51.6,45
Hiki meiate ia, ‘e hoku kakai,
Ke ‘oua na‘a mou kau ‘i he‘ene hia,
Pea ‘inasi ‘i hono tautea.
5He kuo a‘u hake ki langi ‘ene ngaahi angahala,#Sēn 18.20-21; Sel 51.9
Pea kuo manatu ‘e he
‘Otua ki he‘ene ngaahi fai ta‘etotonu.
6‘Ē, mou totongi kiate ia,
‘O hangē ko e totongi na‘a ne fai ‘e ia;#Saame 137.8; Sel 50.29
Pea ‘ange tu‘o ‘ua
Ki he‘ene ngaahi me‘a tu‘o ua;
‘O fakatatau ki he‘ene ngaahi ngāue,
Ko e ipu na‘a ne fakatau ki ai lōua,
Mou fakatau ki ai ma‘ana ke lōua.
7Tuku kiate ia ‘a e tautea mo e mamahi,#‘Ais 47.7-9
‘O fakatatau ki he‘ene fakafielahi mo ‘ene mo‘ui faka‘ei‘eiki:
Koe‘uhi ko ‘ene pehē ‘i hono loto,
‘Oku ou nofo ko e kuini,
Pea ‘oku ‘ikai ko e uitou au,
Pea ‘e ‘ikai te u ‘ilo ha mamahi.
8Ko ia ‘e ho ko mai ‘i ha ‘aho pē taha
Hono ngaahi tautea,
‘A e mate mo e mamahi mo e honge;
Pea ‘e tutu ia ‘i he afi:
He ‘oku mālohi ‘a e ‘Otua
‘A ia kuo ne fakamāu‘i ia.
9Pea ‘e tēngihia ia mo tangifetukia ia ‘e he ngaahi tu‘i ‘o māmani, ‘a kinautolu na‘a nau fe‘auaki mo ia, mo mo‘ui fakahākonoa, ‘i he‘enau mamata ki he kohu ‘o ‘ene vela.#‘Isi 26.16-17 10‘Oku nau tutu‘u mei he mama‘o pē, ko e me‘a ‘i he‘enau manavahē ki he‘ene mamahi, ‘o nau pehē,
‘Oiauē! ‘oiauē! ‘a e fu‘u kolo na, si‘i Pāpilone,
Ko e kolo mālohi!
He kuo ho ko ‘i ha houa pē taha
‘A ho fakamāu‘i.
11Pea ko e kau mesianiti ‘o māmani ‘oku nau tangi mo fakamamahi ‘iate ia; koe‘uhi ‘oku ‘ikai kei fakatau ‘e ha taha ‘enau koloa:#‘Isi 27.31,36 12‘a ‘enau uta koula, mo e siliva, mo e makakoloa, mo e mata‘itofe, mo e tupenu mahu‘inga, mo e kofu kulokula, mo e silika, mo e kula ‘aho‘aho; ‘a e ‘akau namu kakala kehekehe, mo e ngaahi ipu lei kehekehe, mo e ngaahi ipu ‘akau mahu‘inga lahi, mo e ipu palasa mo ukamea mo māpele,#‘Isi 27.12,13,22 13mo e sinamoni, mo e me‘a pani, mo e ‘inisēnisi, mo e mula, mo e laipeno, mo e uaine, mo e lolo, mo e mahoa‘a lelei, mo e uite, mo e fanga manu, mo e fanga sipi, mo e fanga hoosi, mo e ngaahi sāliote, mo e kakai, kae‘uma‘ā ‘a e ngaahi laumālie ‘o e kakai. 14Pea kuo mole meiate koe ‘a e me‘a na‘a ke tō ta‘u ki ai, ‘a e ngaahi me‘a na‘e holi ki ai ho‘o mo‘ui; ‘io, kuo ‘auha meiate koe ho‘o ngaahi me‘a kotoa pē na‘e ifoifolelei mo matamatalelei, pea ‘e ‘ikai ‘aupito te ke toe ‘ilo ia. 15Ko e kau mesianiti na‘a nau fakatau ‘a e ngaahi me‘a ko ia, ‘o nau ma‘u koloa ai mei he fefine, te nau tutu‘u mei he mama‘o ko e me‘a ‘i he‘enau manavahē ki he‘ene mamahi, ‘o nau tangi mo fakamamahi,#‘Isi 27.31,36 16mo nau pehē,
‘Oiauē! ‘oiauē! ‘a e fu‘u kolo na!
‘a e kolo na‘e kofu ‘aki ‘a e tupenu mahu‘inga,
Mo e kofu kulokula, Mo e kula ‘aho‘aho;
Mo teu ‘aki ‘a e koula,
Mo e makakoloa, Mo e mata‘itofe! 17He kuo to‘o meiate ia ‘i he ‘aho pē taha ‘a e koloa ko ia na‘e pehē fau.#‘Ais 23.14; ‘Isi 27.26-30 Pea ‘ilonga ha toutai, pea ‘ilonga ha tangata fai folau, mo e ngaahi kauvaka, mo ia kotoa pē ‘oku ngāue ‘i tahi, na‘a nau tutu‘u mei he mama‘o.
18Pea ‘i he‘enau sio ki he kohu ‘o ‘ene vela na‘a nau kalanga ‘o pehē, Ko hai ‘oku tatau mo e fu‘u kolo na!#‘Isi 27.32 19Pea na‘a nau laku efu ki honau ‘ulu, pea nau kalanga ‘i he‘enau tangi mo fakamamahi, ‘o pehē,
‘Oiauē! ‘oiauē! ‘a e fu‘u kolo na,
‘A ia na‘e ma‘u koloa ai ‘a e kakai kotoa pē,
Na‘e ma‘u vaka ke folau ‘i tahi,
Koe‘uhi ko ‘ene mo‘ui ‘aki ‘a e me‘a mahu‘inga!
He kuo lusa ‘i ha houa pē taha.#‘Isi 27.30-34
20Fiefia pē ‘a langi ‘i he fefine,
Mo kimoutolu ‘a e kau lotu,
‘A e kau ‘Aposetolo mo e kau Palōfita;
He kuo fakamaau ‘e he ‘Otua ho‘omou me‘a,
‘O ‘eke kiate ia.#Teu 32.43; Sel 51.48
21Pea na‘e hanga ‘e ha to ko taha, ko e ‘āngelo mālohi, ‘o ne hiki ha fu‘u maka hangē ha maka momosi, ne lī ki tahi, ‘o ne pehē, ‘E pehē foki ‘a e makamu hifo ‘a e fu‘u kolo ko Pāpilone ‘i hono lī hifo, pea ‘e ‘ikai ‘aupito toe ‘iloa.#Sel 51.63-64; ‘Isi 26.21 22‘Io, ‘e ‘ikai ‘aupito toe ongona ‘iate koe ‘a e tā ‘a e kau tā ha‘ape, mo e kau faiva, mo e kau ifi fangufangu, mo e kau ifi talupite; pea ‘e ‘ikai toe ‘iloa ‘iate koe ‘a e kau ngāue ‘i he faiva kehekehe, pea ‘e ‘ikai toe ongona ‘iate koe ‘a e longoa‘a ‘o e me‘a momosi;#‘Isi 26.13; ‘Ais 24.8 #Sel 7.34; 25.10 23pea ‘e ‘ikai toe ulo ‘iate koe ha maama, pea ‘e ‘ikai toe ongona ‘iate koe ha le‘o ‘o ha tangata-ta‘ane mo ha ta‘ahine: koe‘uhi ko ho‘o kau mesianiti ko e hou‘eiki ia ‘o māmani, pea na‘e takihē‘i ‘a e ngaahi pule‘anga kotoa pē ‘e ho‘o fai fakalou‘akau.
24Kae‘uma‘ā na‘e ‘ilo ‘iate ia ‘a e toto ‘o e kau palōfita mo e kakai lotu; mo kinautolu kotoa pē kuo mate tāmate‘i ‘i māmani.#Sel 51.49
Currently Selected:
KO E ME‘A FAKAHĀ 18: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
