KO E ME‘A FAKAHĀ 1
1
1KO E ME‘A FAKAHĀ ‘e Sīsū Kalaisi mei he Ta‘ehāmai, ‘a ia na‘e tuku kiate ia ‘e he ‘Otua, ke fakahā ki he kau tamaio‘eiki ‘a ‘Ene ‘Afio ‘a e ngaahi me‘a kuo pau ke ho ko leva; ‘o ne fekau atu ‘i he‘ene ‘āngelo, ke fakahā fakatātā atu ia ki he‘ene tamaio‘eiki ko Sione: 2‘A ia kuo ne fakamatala ‘a e folofola ‘a e ‘Otua, mo e fakamo‘oni na‘e fai ‘e Sīsū Kalaisi, ‘io, ‘a e ngaahi me‘a kehekehe na‘a ne sio ki ai. 3Monū‘ia ā ka ko ia ‘oku lau, mo kinautolu ‘oku fanongo ki he ngaahi lea ‘o e palofisai ni, mo tauhi ‘a e ngaahi me‘a kuo tohi ai: he kuo panaki hono taimi.
Ko hono ‘ahó kuo ofi mai.
Ko hono ‘ahó kuo ofi mai.
4Tū ko au Sione, ko ‘eku tohi ki he siasi ‘e fitu ‘oku ‘i ‘Ēsia.#‘Eki 3.14; Fkhā 4.5
‘Ofa ke mou ma‘u kelesi mo e fiemālie meia ‘Oku-‘i-ai mo Na‘e-‘i-ai mo Kaha‘u; pea mei he Laumālie Fitu ‘oku ‘i he ‘ao ‘o e taloni ‘o ‘Ene ‘Afio;
5pea meia Sīsū Kalaisi ko e Fakamo‘oni Falala‘anga, ko e ‘Uluaki na‘e fakatupu mei he kau Pekia, mo e Pule ‘o e ngaahi Tu‘i ‘o māmani.#‘Ais 55.4; Saame 89.27
6Ko ia ‘oku ne ‘ofa kiate kitautolu, pea ne fufulu kitautolu mei he‘etau ngaahi angahala ‘aki hono ta‘ata‘a ‘o‘ona, pea ne ngaohi kitautolu ko e pule‘anga, ko e ngaahi taula‘eiki ki he ‘Otua ko ‘Ene Tamai–ke ‘o ‘Ene ‘Afio ‘a e kolōlia mo e aoniu, ‘o ta‘engata, ‘Ēmeni.#‘Eki 19.6; Fkhā 5.10
7Vakai, ‘oku ne ho ko mai mo e ngaahi ‘ao; pea ‘e mamata kiate ia ‘e he mata kotoa pē, ‘io, mo kinautolu na‘a nau hoka‘i ia: pea ‘e lau‘aitu ‘a e ngaahi matakali kotoa pē ‘o māmani koe‘uhi ko ia. ‘Io, ‘Ēmeni.#Tān 7.13; Māt 24.30; Ma‘ake 13.26; Luk 21.27; 1 Tes 4.17; Sāk 12.10; Sioné 19.34,37
8‘Oku folofola mai ‘a ‘Ene ‘Afio ko e ‘Otua, Ko au ko e ‘Ālifa mo e ‘Ōmeka, ko ‘Oku-‘i-ai mo Na‘e-‘i-ai mo Kaha‘u, ko e Aoniu.#Fkhā 22.13; ‘Eki 3.14
Ko e Hā Mai ‘a e ‘Eiki Toetu‘ú
(1.9-20)
Ko e Hā Mai ‘a e ‘Eiki Toetu‘ú
(1.9-20)
9Ko au Sione, ko homou tokoua, mo e ‘inasi fakataha mo kimoutolu ‘i he mamahi mo e pule‘anga mo e kātaki ‘oku ‘ia Sīsū–na‘a ku nofo ‘i he motu ‘oku ui ko Patimosi, koe‘uhi ko e folofola ‘a e ‘Otua, mo e fakamo‘oni na‘e fai ‘e Sīsū. 10‘Iloange na‘a ku Laumālie‘ia ‘i he ‘aho ‘o e ‘Eiki, pea na‘e ongo mei hoku tu‘a ha fu‘u le‘o, ‘o hangē ha talupite ‘oku lea mai, 11‘o pehē, Ko e me‘a ‘oku ke sio ki ai ke ke tohi ‘i ha tohi, pea ‘ave ki he siasi ‘e fitu; ki ‘Efesō, pea ki Sīmana, pea ki Peakamosi, pea ki Taiataila, pea ki Sātisi, pea ki Filatelifia, pea ki Leotisia.
12Pea ne u tafoki ke vakai pe ko e hā ‘a e le‘o ‘oku talanoa mo au. Pea ‘i he‘eku tafoki, na‘a ku vakai ha tu‘unga maama koula ‘e fitu, 13pea ‘i he lotolotonga ‘o e ngaahi tu‘unga maama ha to ko taha na‘e hangē ko e Fanautama ‘a Tangata, kuo ne ‘ai ha kofu tōtōlofa, pea no‘o koula ‘i hono fatafata.#Tān 7.13; 10.5 14Ko hono fofonga mo hono lau na‘e hinaekiaki, hangē ko e fulufulu‘i sipi hinehina, ‘io, hangē ko e sinou; pea ko hono ongo fo‘i fofonga na‘e hangē ha ulo‘i afi;#Tān 7.9; 10.6 15pea ko hono ongo va‘e na‘e hangē ko e palasa ‘afu hina, hangē kuo ta‘o ‘i ha ngoto‘umu; pea ko hono le‘o na‘e hangē ko e le‘o ‘o e ngaahi vai lahi.#‘Isi 1.24; 43.2 16Pea na‘e ‘i hono nima to‘omata‘u ha fetu‘u ‘e fitu; pea na‘e ‘alu atu mei hono ngutu ha heletā fakatoumata na‘e māsila; pea ko hono fōtunga na‘e hangē ko e la‘ā he‘ene ulo mālohi. 17Pea ‘i he‘eku mamata kiate ia, ne u hinga atu ki hono va‘e ‘o hangē ha mate. Pea na‘a ne ala kiate au ‘aki hono nima to‘omata‘u, ‘o ne folofola mai, ‘Oua te ke manavahē; ko au ko e ‘Uluaki mo e Kimui:#‘Ais 44.6; 48.12; Fkhā 2.8; 22.13 18pea ko Mo‘ui au, pea na‘a ku mate, pea vakai ‘oku ou mo‘ui ‘o lauikuonga pea ta‘engata; pea ‘oku ‘iate au ‘a e ngaahi kī ‘o Mate mo Hētesi. 19Tohi pē ‘a e ngaahi me‘a kuo ke mamata ki ai, mo hono ‘uhinga, pea mo e ngaahi me‘a ‘oku ene ke ho ko hili ‘eni; 20‘io, ko e misiteli ‘o e fetu‘u ‘e fitu na‘a ke sio ki ai ‘i hoku nima to‘omata‘u, pea mo e tu‘unga maama koula ‘e fitu. Ko e fetu‘u ‘e fitu ko e kau ‘āngelo ia ‘o e siasi ‘e fitu: pea ko e tu‘unga maama ko ia ‘e fitu, ko e ngaahi siasi ‘e fitu ia.
Currently Selected:
KO E ME‘A FAKAHĀ 1: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
