KO E ME‘A FAKAHĀ Ko e Talateu
Ko e Talateu
Ko e Tohi Fakahā Kia Sioné na‘e fa‘u ia ‘i he ngaahi ‘aho na‘e fakatanga‘i ai ‘a e kakai Kalisitiané koe‘uhí ko ‘enau tui ki he ‘Eiki ko Sīsū Kalaisí. Ko e tefito‘i kaveinga ‘a e fa‘u tohí ke nau fakatu‘amelie mo lototo‘a ai, mo tu‘u ma‘u ‘oka hoko mai ha ngaahi faingata‘a mo ha ngaahi fakatanga.
Ko e konga lahi ‘o e tohí ko ha ngaahi fakahā mo e ngaahi vīsone ‘oku fakalea ‘aki e ngaahi fakatātā mo e heliaki fakapunake ‘e mahino ki he kakai ‘o e kuonga ko iá, kae kei lilo ai pē ki he kakai kehe kotoa pē. Hangē ko e fetāiaki ‘a e ngaahi fa‘ahi ‘i ha tu‘unga fasi ‘anitemá, ‘oku pehē ‘a e fetāiaki ‘a e ngaahi kaveinga ‘o e Tohi Fakahaá ‘i hono toutou filio‘i kehekehe ‘i ha ngaahi holongā vīsone. Neongo ‘oku faka‘uhinga‘i kehekehe ‘a hono fakaikiiki ‘o e tohí ni, ka ‘oku mahino ‘aupito pē ‘a e tefito‘i kaveinga ia ‘o e tohí: ‘a ia, ‘e toki hanga ‘e he ‘Otuá ‘ia Sīsū Kalaisi ko e ‘Eiki ‘o ikuna‘i hono ngaahi fili kotoa pē, ‘o kau ai mo Sētane, pea te ne fakapale‘i hono kakai tui falalá ‘aki ‘a e ngaahi tāpuaki ‘o ha hēvani fo‘ou mo ha māmani fo‘ou ‘oka kakato leva ‘a e ikuna ko iá.
Ko e Kakano ‘o e Tohí
Ko e Talateu (1.1-8)
Ko e ‘uluaki vīsone mo e ngaahi tohi ki he ngaahi siasi ‘e fitu (1.9–3.2)
Ko e takainga tohi mo hono ngaahi sila ‘e fitu (4.1–8.1)
Ko e ngaahi talupite ‘e fitu (8.2–11.19)
Ko e talākone mo e ongo manu fekai ‘e ua (12.1–13.18)
Ko e ngaahi vīsone kehekehe (14.1–15.8)
Ko e ngaahi ipu houhau ‘e fitu (16.1-21)
Ko hono faka‘auha ‘o Pāpilone, pea mo hono ikuna‘i ‘o e manu fekaí, mo e palōfita loí, pea mo e Tēvoló 17.1–20.10)
Ko e fakamaau faka‘osí (20.11-15)
Ko e hēvani fo‘ou, mo e māmani fo‘ou, mo e Selusalema fo‘ou (21.1–22.5)
Ko e tātuku (22.6-21)
Currently Selected:
KO E ME‘A FAKAHĀ Ko e Talateu: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.