KO E SAAME 98
98
Ko e ‘Otua ko e Pule ‘o Māmani
(Ko e Saame)
1Hiva kia Sihova ‘aki ‘a e hiva fo‘ou ē;
He ko e koto fakaofo ‘ene ngāue;
Ko hono to‘ukupu to‘omata‘u mo hono nima tāpuhā,
Kuo ne ma‘u ‘a e fakamo‘ui ma‘ana.
2Kuo fakae‘a ‘e Sihova ‘ene fakamo‘ui:
Kuo ne tatala ‘ene faitotonu ‘i he ‘ao ‘o e ngaahi kakai.
3Kuo ne manatu ke fai ki he fale ‘o ‘Isileli ‘a e meesi mo e fakamo‘oni lea;
Kuo mamata ‘e he ngaahi ngata‘anga ‘o māmani ki he fakamo‘ui ‘a hotau ‘Otua.
4Mavava kia Sihova, ‘a māmani kotoa:
Ha‘aki mai, ‘o hiva fiefia mo tā.
5Tā kia Sihova ‘aki ‘a e ha‘ape;
Fai ‘aki ‘a e ha‘ape mo e lea ‘o e saame.
6Fai ‘aki ‘a e ngaahi talupite mo e le‘o ‘o e koaneti,
Mavava he ‘ao ‘o Sihova, ko e Tu‘i.
7Ke ‘u‘ulu ‘a e tahi mo hono fu‘u fonu na;
‘A māmani mo hono kau nofo‘anga.
8‘a e ngaahi vaitafe ke nau pasipasi nima;
‘A e ngaahi mo‘unga ke nau hiva fakataha;
9‘I he ‘ao ‘o Sihova, he ‘oku ne ha‘u na
Ke fakamaau ‘a e fonua:
Te ne fai ki he totonu ‘ene fakamaau ‘a māmani,
Pea te ne fai ki he ngaahi fa‘ahinga, ‘o ‘ikai piko‘i.
Currently Selected:
KO E SAAME 98: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
