KO E SAAME 97
97
1KUO tu‘i ‘a Sihova;
Ke hākahaka ai ‘a māmani;
Ke fu‘u fiefia ai ‘a e ‘ū motu lahi.
2‘Oku kāpui ia ‘e he ‘ao mo e fakapo‘uli:
Ko e faitotonu mo e fakakonisitūtone ko e pou ia hono taloni.
3‘Oku fakamelomelo kiate ia ha afi.
‘O keina ‘i he potu kotoa pē hono ngaahi fili.
4Na‘e fakamaama ‘a māmani ‘e hono ngaahi ‘uhila:
Na‘e sio ki ai ‘a e fonua, ‘o līfusia.
5Na‘e vai ‘a e ngaahi mo‘unga hangē ko e uakisi ‘i he fotu mai ‘a Sihova,
‘I he fatu mai ‘a e ‘Eiki ‘o māmani kotoa.
6Kuo fakahā ‘e he ngaahi langi ‘ene fai mā‘oni‘oni,
Pea kuo mamata ‘a e ngaahi fa‘ahinga kotoa pē ki hono lāngilangi.
7Kuo mā ‘a e kau tauhi ‘īmisi,
‘A kinautolu ‘oku pōlepole ‘i he ngaahi ‘aitoli:
Kuo fo‘ohifo ‘i hono ‘ao na ‘a e ngaahi ‘otua kotoa.#97.7 fo‘ohifo… kotoa; pe Mou hū kiate ia ‘a e ngaahi ‘otua fua pē.
8Na‘e fanongo ki ai ‘a Saione, ‘o fu‘u fiefia,
Pea hākahaka ‘a e kau ta‘ahine Siuta;
Koe‘uhi ko ho‘o ngaahi fakamaau, ‘e Sihova.
9He ko koe, Sihova, ‘oku ke tāupeupe atu ‘i he ngaahi fonua:
‘Oku ke mā‘olunga noa he ngaahi ‘otua kotoa.
10Fehi‘a ki he kovi, ‘a kimoutolu ‘oku ‘ofa kia Sihova:#97.10 Fehi‘a… Sihova; Ko hono faka-Hepeluú ia, ka ‘oku ngali tonu hono hiki ‘o: ‘Oku ‘ofa ‘a Sihova ‘iate kinautolu ‘oku nau fehi‘a ki he koví.
He ‘oku ne tauhi ‘a e mo‘ui ‘a hono ‘ofa‘anga;
‘Oku ne hamusi kinautolu mei he nima ‘o e kau angahala.
11Kuo tutu‘i ‘a e maama ma‘a e mā‘oni‘oni,
Mo e fiefia ma‘a e loto ta‘epiko‘i.
12Mou fiefia ‘ia Sihova, ‘a e kau angatonu;
Fakamālō‘ia hono ongoongo toputapu.
Currently Selected:
KO E SAAME 97: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
