KO E SAAME 99
99
Ko e ‘Otua ko e Tu‘i Fakaleveleva
1KUO Tu‘i ‘a Sihova; ‘oku tete ‘a e ngaahi fa‘ahinga.#99.1 ‘oku tete… fa‘ahingá; Ko e hiki ‘e taha: Ke tete–ke ngalulu.
‘Oku ne ‘afioa ‘a e ongo Selupimi; ‘oku ngalulululu ‘a e fonua.
2Ko Sihova ‘i Saione ‘oku mā‘olunga;
Pea ko e fotu ia ‘i he ngaahi kakai kotoa.
3Ke nau fakamālō‘ia ho huafa lahi mo ngeia:
Ko e tāpuhā Ia.
4Pea ke nau fakamālō‘ia ‘a e ivi ‘o e tu‘i ‘oku manako#99.4 Pea… manako; Ko hono faka-Hepeluú ko e: Ko e ivi ‘o e tu‘í, ‘okú ke manako; ka ‘oku ngali tonu hono hiki ‘o: ‘E tu‘i mohu ivi, ‘okú ke manako. ki he fakakonisitūtone;
‘A e ‘Afiona kuo ke fokotu‘u ‘a e ta‘epapae,
‘A e ‘Afiona kuo ke fai ‘a e fakakonisitūtone mo e totonu ‘i ha‘a Sēkope.
5Mou fakahīkihiki‘i ‘a Sihova ko hotau ‘Otua,
Pea punou ‘i hono tu‘unga to‘ukupu kelekelea:
Ko e tāpuhā Ia.
6Ko Mōsese mo ‘Ēlone ena,
Na‘e kau ki ha‘a Taula‘eiki kinaua;
Lau foki mo Sāmiuela,
Ko e taha ia he kau tautapa ki hono huafa:
Na‘e tautapa kia Sihova ‘a kinautolu,
Pea tali ‘e ia ‘enau lotu.
7Ko e pou ‘ao na‘a ne folofola mei ai kiate kinautolu:#‘Eki 33.9
Na‘a nau tauhi ‘a e ngaahi fakamo‘oni, mo e fekau na‘a ne ‘atu.
8‘E Sihova ko hotau ‘Otua, na‘a ke tali kinautolu ‘e koe:
Na‘a ke fakafeangai kiate kinautolu ko e ‘Otua fakamolemole,
Ka ko ‘enau ngaahi fai‘anga na‘a ke ‘eke.
9Fakahīkihiki‘i ‘a Sihova, ko hotau ‘Otua,
Pea punou ‘i hono mo‘unga tapu na;#99.9 mo‘unga tapú na; Vakai ki he 2.6.
He ko Sihova ko hotau ‘Otua
Ko e tāpuhā Ia.
Currently Selected:
KO E SAAME 99: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
