KO E SAAME 96
96
Ko e ‘Otua ko e Tu‘i Fakaleveleva
(1 Kal 16.23-33)
1HIVA kia Sihova ‘aki ‘a e hiva fo‘ou
Hiva kia Sihova, ‘a māmani kotoa. 2Hiva kia Sihova, fakamālō‘ia hono huafa;
‘O ongoongo ‘ene fakamo‘ui ‘i he ‘aho kotoa.
3‘A‘au ki he ngaahi pule‘anga hono kolōlia,
‘Ene ngaahi ngāue fakaofo ‘i he ngaahi fa‘ahinga kotoa.
4He ‘oku lahi ‘a Sihova, pea ‘oku totonu ke lahi hono fakamālō‘ia;
‘Oku hulu hono ngeia ‘i he ngaahi ‘otua kotoa.
5He ko e ‘aitoli#96.5 ‘aitoli; pe ko e me‘a noa.
Ka na‘e ngaohi ‘a e langi ‘e Sihova.
6Ko e ngeia mo e lāngilangi ‘oku fe‘ao mo ia:
Ko e ivi mo e toulekeleka ‘oku ‘i hono faletapu na.
7Tuku kia Sihova, ‘a e ngaahi fāmili ‘o e ngaahi fa‘ahinga,#Saame 29.1-2
Tuku kia Sihova ‘a e kolōlia mo e mālohinga.
8Tuku kia Sihova ‘a e kolōlia hono huafa:
To‘o me‘a‘ofa, ‘o hū ki hono ngaahi loto‘ā.
9Hū kia Sihova ‘i he teunga tāpuhā:#96.9 ‘i he teunga tāpuhā; pe ‘oka ne ka hā mai.
Tete ‘i hono ‘ao, ‘a e fonua kotoa.
10Lea ki he ngaahi fa‘ahinga,
Kuo tu‘i ‘a Sihova:
Tā kuo fokotu‘u ‘a māmani, ‘o ta‘emauea:
Te ne fakamaau totonu ‘a e ngaahi fa‘ahinga.
11Ke fiefia ‘a e langi, pea tome‘e ‘a e fonua;
Ke ‘u‘ulu ‘a e tahi mo hono fu‘u fonu na.
12Pātapata ‘a e toafa mo hono me‘a kotoa;
Toki fai ‘e he ‘akau kotoa ‘o e lala ‘enau fu‘u mavava;
13‘I he ‘ao ‘o Sihova, he ‘oku ne ha‘u na;
He ‘oku ne ha‘u na ke fakamaau ‘a e fonua:
Te ne fai ki he totonu ‘ene fakamaau ‘a māmani,
Pea te ne fai ki he ngaahi fa‘ahinga ‘o taau mo ‘ene mo‘oni.
Currently Selected:
KO E SAAME 96: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
