KO E SAAME 95
95
Ko e Hiva Fakahīkihiki
1HA‘u ke tau hiva fiefia kia Sihova:
Ke tau mavava ki hotau makatu‘u fakamo‘ui‘anga.
2Tau ‘a‘ahi kiate ia mo e fakamālō,
Tau fa‘u hiva saame ki he‘ene ‘Afio.
3He ko e ‘Otua lahi ‘a Sihova,
‘Io, ko e Tu‘i fakaleveleva ‘o e ngaahi ‘otua kotoa.
4‘A ‘ene ‘Afio ‘oku ne fa‘iteliha ki Lolofonua;
Pea ‘oku ‘o‘ona mo e ngaahi tumutumu‘i mo‘unga.
5‘A ‘ene ‘Afio ‘oku ‘o‘ona ‘a e tahi, he ne ne ngaohi ia;
Pea ko e moana ko e ngāue ‘a hono ongo nima.
6Tau ō ke tau hū mo punou;
tau tū‘ulutui ‘i he ‘ao ‘o Sihova ne ne ngaohi kitautolu:
7He ko hotau ‘Otua ia,#Hep 3.15; 4.7 #Hep 3.7-11
Pea ko kitautolu ko e kakai ‘oku ne fafanga, mo e sipi ‘oku ne tauhia.
Ko e ‘aho ni pē taumaiā ke mou fakaongo ki hono le‘o!
8‘Oua na‘a fakafefeka homou loto,
‘O hangē ko ia ne fai ‘i Mēlipa,#‘Eki 17.1-7; Nōm 20.2-13
‘O tatau mo e ‘aho ‘o Masa (‘Ahi‘ahi) ‘i he toafa:
9‘A ia na‘e ‘ahi‘ahi‘i ai au ‘e ho‘omou ngaahi kui,
He‘enau ala‘aki mai,
‘Osi kuo nau sio ki he ngaahi me‘a na‘a ku fai.
10Ko e fāngofulu‘i ta‘u na‘a ku fakalili‘a ki ha to‘utangata kotoa, ‘o u pehē,
“Ko e kakai kimoutolu ‘oku loto hehē,
Pea kuo ‘ikai te nau a‘usia
‘a e ‘ilo‘i hoku ngaahi ‘alunga.”
11‘A ē ne u fuakava ai he‘eku ‘ita,#Nōm 14.20-23; Teu 1.34-36; 12.9-10; Hep 4.3-5
Ko au ē ha‘anau hū ki hoku mālōlō‘anga.
Currently Selected:
KO E SAAME 95: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
