KO E SAAME 91
91
Ko e ‘Otua ko Hotau Malu‘anga
1KO ia ‘oku nofo ‘i he toitoi‘anga ‘o ‘Elioni,
‘Oku mohe ‘i he malumalu ‘o Sātai–
2Ko ‘eku lau ē kia Sihova,
Ko hoku hūfanga ia mo hoku talitau‘anga:
Ko hoku ‘Otua falala‘anga.
3Tā ko e hele ‘a e tulimanu te ne fakahaofi koe mei ai,
Pea mei he mahaki faka‘auha ‘oku ‘uakai mai.
4Te ne ‘ufi‘ufi koe ‘aki hono fulufulu,
Pea te ke toi ‘i hono lalo kapakau:
Ko ‘ene fai mo‘oni ko ho pā mo fakaū.
5‘E ‘ikai te ke manavahē ki he nānunga ‘o e pō,
Pe ki he ngahau ‘oku puna ‘aho;
6Ki he mahaki ‘oku ha‘ele ‘i he ta‘ehā,
Ki he fakamate ‘oku tu‘usi ho‘atā.
7‘E tō ‘i ho tafa‘aki ha toko afe,
Mo e toko‘i mano ‘i ho to‘omata‘u ē;
Kae ‘ikai ofi kiate koe.
8Ngata pē te ke sio ‘aki ho mata,
‘O vakai ‘a e totongi ‘a e kau angahala.
9He ko koe, ‘Eiki, hoku#91.9 hoku; Ko hono faka-Hepeluú ia, ka ‘oku ngali tonu hono hiki ‘o: ho. hūfanga–
Tā kuo ke fili ‘a ‘Elioni ko ho nofo‘anga; 10‘E ‘ikai fepaki mo koe ha kovi,
Pea ‘e ‘ikai ofi ha tā ki ho tēniti.
11He te ne kouna ‘ene kau ‘āngelo telia koe,#Māt 4.6; Luk 4.10
Ke tauhi koe ‘i ho hala fua pē.
12Te nau fataki nima koe,#Māt 4.6; Luk 4.11
Na‘a pākia ‘i he maka ho va‘e.
13Ko e laione mo e ngata te ke mala ai;#Luk 10.19
Ko e laione fita mo e tanini te ke molomoloki.
14Ko e me‘a ‘i he‘ene tu‘u kiate au ‘ene ‘ofa,
Ko ia ai, te u fakahaofi ia:
Te u ‘ai ke ne mā‘olunga
Koe‘uhi ā kuo ne ‘ilo hoku hingoa.
15Te ne ui kiate au, pea te u tali;
Te u ‘iate ia ‘i he mamahi:
Te u hamusi ia mo fakalāngilangi‘i.
16Te u ‘ai ‘a e mo‘ui fuoloa ke ne topono ai,
Pea te u tuku ke ne māta‘i ‘eku fakamo‘ui.
Currently Selected:
KO E SAAME 91: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
