KO E SAAME 92
92
Ko e Hiva Fakahīkihiki
(Ko e Saame Ko e Hiva ki he ‘Aho Tapu.)
1KO E me‘a lelei ke fakafeta‘i kia Sihova,
Pea ke hiva saame, ‘Elioni, ki ho huafa:
2Ke fakahā pongipongi ho‘o ‘ofa,
Mo ho‘o lototō ‘i he pō kotoa.
3‘Aki ‘a e tu‘o-hongofulu, mo e helefilo;
‘Aki ‘a e ha‘ape lea ongo.
4He kuo ke fakafiefia‘i au, ‘e Sihova,
‘I he me‘a kuo ke feia:
Te u mavava ‘i he ngaahi ngāue ‘a ho nima.
5Hono ‘ikai kāfakafa ho‘o ngaahi ngāue, ‘e Sihova!
Pea ‘oku loloto ‘aupito ho‘o ngaahi fakakaukau na.
6Ko e tangata fakamanu ‘oku ‘ikai te ne ‘ilo ‘a e me‘a ni,
Ko e tangata vale ‘oku ‘ikai te ne tokanga‘i:
7Ka faliki mai ‘a e angahala hangē ha musie,
Pea fisi ‘a e kau faikovi fua pē;
Ko hono ‘uhinga ke nau ‘auhia ai pē.
8Ka ko e hiliō ai pē koe, ‘e Sihova.
9He vakai ko ho ngaahi fili, Sihova ē–
He vakai ko ho ngaahi fili ‘e mole;
‘E movete ‘a e kau fai kovi fua pē.
10Ka kuo ke fakamā‘olunga hoku nifo e hangē ha nifo‘i pufaloe:
Kuo pani au
‘Aki ha lolo fo‘ou.
11Kuo mākona foki hoku mata ‘iate kinautolu ‘oku tokamalumu kiate au;
Kuo fonu hoku telinga ‘i he kau fai kovi ‘oku tu‘u kiate au.
12‘E to‘ulu hangē ha paame ‘a e mā‘oni‘oni:
Te ne tupu hangē ha sita ‘i Lepanoni.
13Ko e kau tō ‘i he fale ‘o Sihova,
Te nau to‘ulu ‘i he ngaahi loto‘ā ‘o hotau ‘Otua.
14Te nau fua ai pē ‘i he‘enau motu‘a;
Te nau mohu huhu‘a mo laumata:
15Ke fakahā ko e totonu ‘a Sihova;
Ko hoku Makatu‘u, pea ‘oku ‘ikai ha piko ‘iate ia.
Currently Selected:
KO E SAAME 92: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
