KO E SAAME 80
80
Ko e Lotu Kole ke Fakaato ‘a e Fonuá
(Ki he Pule ‘o e Hiva. Ki he fasi ko “Koni lile fakamo‘oni.” Ko e Saame ‘a ‘Ēsafe.)
1‘A KOE ko e tauhi ‘o ‘Isileli, ke ke fanongo mai,#‘Eki 25.22
‘A koe ‘oku taki ‘a Siosifa hangē ha fanga sipi,
‘A koe ‘oku ke ‘afioa ‘a e ongo Selupimi, ke ke ulo mai.
2‘I he ‘ao ‘o ‘Ifalemi mo Penisimani mo Manase
O‘io‘i ho fu‘u ivi, ‘o ha‘u mōmau fakaake.
3Liliu kimautolu, ‘Elohimi;
Pea tuku ke ulo mai ho fofonga ka mau mo‘ui ai.
4‘E Sihova ‘Elohimi Sāpaoti,
Ko futu ho‘o kohu he fai lotu ‘a ho kakai!
5Kuo ke ‘ange lo‘imata ma‘anau me‘akai,
Pea ke fakainu lo‘imata ‘i ha ipu lahi.
6Kuo ke tu‘utu‘uni kimautolu ko e me‘a ke kē ai ‘a e nofo fonua ni;
Pea ‘oku luma noa pē ‘e homau ngaahi fili.
7Liliu kimautolu, ‘Elohimi Sāpaoti;
Pea tuku ke ulo mai ho fofonga ka mau mo‘ui ai.
8Na‘a ke fakalanga ha vaine mei ‘Isipite;
Na‘a ke kapusi ‘ani pule‘anga, ‘o hunuki ē.
9Na‘a ke faka‘atā ki ai ‘i he‘ene tupu na,
Pea ‘i he‘ene aka hifo leva na‘e fonu ‘a e fonua.
10Ko hono malu na‘a ne ‘ufia ‘a e ngaahi mo‘unga,
Pea ko hono ‘ulu‘ulu ‘a e ngaahi sita ‘a e ‘Otua.
11Na‘a ne laku hono ngaahi va‘a ki he tahi,
Pea a‘u ki he Vaitafe hono ngaahi huli.
12Pea ko e hā ai kuo ke hae hono ‘ā,
Kae toli ai ‘a e fononga kotoa ‘i he hala?
13‘Oku hele ia ‘e he nifo mei he vao tātā,
Pea ‘oku keina ia ‘e he me‘a ‘oku ngale he toafa.
14Foki mai mu‘a, ‘Elohimi Sāpaoti;
‘Afio hifo mei langi ‘o vakai,
Pea ke ‘a‘ahi mai ki si‘i vaine ni.
15‘O malu‘i ‘a e me‘a kuo tō ‘e ho to‘omata‘u,
Mo e foha kuo ke tanu mālohi ma‘au.
16Kuo tutu ‘aki ‘a e afi, kuo tā:
‘Oku nau ‘auha ‘i he tuputāmaki ho fofonga.
17Ke uungi ‘e ho nima ‘a e tangata ‘i ho to‘omata‘u,
‘A e foha ‘o e tangata ne ke ngaohi ke mālohi ma‘au.
18Pehē ‘e ‘ikai te mau hiki mei he ‘Afiona:
‘Ē, fakaake kimautolu mu‘a,
Pea te mau tautapa ki ho huafa.
19Liliu kimautolu, ‘e Sihova ‘Elohimi Sāpaoti;
Tuku ke ulo mai ho fofonga ka mau mo‘ui ai.
Currently Selected:
KO E SAAME 80: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
