KO E SAAME 79
79
Ko Lotu Kole ke Fakahaofi ‘a e Fonuá
(Ko e Saame ‘a ‘Ēsafe.)
1‘ELOHIMI ē, kuo hū ‘a e hīteni ki ho tofi‘a;#2 Tu‘i 25.8-10; 2 Kal 36.17-19; Sel 52.12-14
Kuo nau fakalielia‘i ho temipale tāpuhā:
Kuo nau ngaohi ‘a Selusalema koni ngaahi tuva maka.
2Kuo nau tuku ‘a e ‘anga‘anga ‘o ho‘o kau tamaio‘eiki ke me‘akai ‘aki ‘e he manu ‘o e ‘atā,
‘A e kakano ‘o ho‘o kakai lotu ki he fanga manu ‘o e fonua.
3Kuo nau lilingi honau toto hangē ko e vai ‘i he tua‘ā ‘o Selusalema;
Pea na‘e ‘ikai ha taha ke tanu ia.
4Kuo mau hoko ko e mā‘anga ‘o e nofo fonua ni;
Ko e luma–mo va‘inga‘anga ‘o e fonua takatakai.
5‘E fēfē hono fuoloa, ‘Eiki?
‘E ta‘engata ho‘o tuputāmaki?
‘E vela ho‘o fua‘a hangē ha afi?
6Hua‘i ho‘o houhau ki he hīteni ‘oku ‘ikai ke ‘ilo‘i ‘a e ‘Afiona,
Pea ki he ngaahi pule‘anga ‘oku ‘ikai ke tautapa ki ho huafa.
7He kuo nau kai ‘a Sēkope,
Pea ko hono ‘apitanga kuo nau havehave.
8‘Oua ‘e manatua ‘a e kovi ‘a homau tupu‘anga, ‘o hilifaki mai:
Ke vave ‘a e fakafetaulaki mai ‘a ho‘o meesi;
He ‘oku lahi ‘aupito ‘emau tu‘utāmaki.
9Tokoni mai, ‘e homau ‘Otua fakamo‘ui‘anga,
Telia ‘a e ongoongo ‘o ho huafa:
Pea hamusi kimautolu, ‘o ‘ufi‘ufi ‘emau hia,
Koe‘uhi pē ko ho huafa.
10Koe‘uma‘ā ke lau ‘e he hīteni,
Koma‘ā honau ‘Otua?
Ko e sauni ‘o e toto ‘o ho‘o kau tamaio‘eiki kuo lilingi,
‘Ofa ke ‘ilonga ia ki he hīteni ka mau sioa.
11Ke hoko atu ki ho fofonga
‘a e hohoi ‘a si‘i pōpula;
Fai ke taau mo e fu‘u ivi ‘o ho nima,
‘O fakahaofi ‘a e kakai kuo tuku ke pekia.
12Pea ke fakafoki, ‘Ātonai, ki he kakai ‘oku mau nofo ki honau lotolotonga
‘a e taukae kuo nau taukae ‘aki ‘a e ‘Afiona.
13Ko ia, ko kimautolu ko ho kakai mo e sipi ‘oku ke tauhia,
Te mau fakafeta‘i ki he ‘Afiona ‘o ta‘engata:
Te mau ‘a‘au ho fakamālō ki he to‘utangata mo e to‘utangata.
Currently Selected:
KO E SAAME 79: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
