KO E SAAME 8
8
Ko e Lāngilangi ‘o e ‘Otuá mo e Lāngilangi ‘o e Tangatá
(Ki he Pule ‘o e Hiva. Ko e Faka-Kati, Ko e Saame ‘a Tēvita.)
1‘E Sihova, ko homau ‘Eiki,
Hono ‘ikai fungani ho huafa ‘i māmani!
‘A ia kuo ke fakaheka ho teunga ki he ngaahi langi.
2Ka ko e ngutu ‘o e tamaiki mo e kei huhu#Māt 21.16
Kuo ke tu‘unga ki ai ha ngū,
Koe‘uhi ko ho kau fakamamahi,
Ke ke fakasīlongo‘i ‘a e fili mo e fakafāsifasi.
3Ka u ka vakai ho ngaahi langi na,
Ko e ngāue ‘a ho louhi‘i nima,
‘A e māhina mo e ngaahi fetu‘u,
‘A ia kuo ke fokotu‘u;
4Ko e hā ‘a e tangata ke ke manatu ai kiate ia?#Siope 7.17-18; Saame 144.3; Hep 2.6-8
Mo e hako ‘o ‘Ātama, ‘oku ke ‘a‘ahi ai ia?
5Pea kuo ke fakatoesi‘i pē ke ne ‘otua,#8.5 ke ne ‘otua; pe ke ne tatau mo koe; pe ke ne tatau mo e ngaahi ‘otuá; pe tatau mo e kau ‘āngeló.
Pea ‘oku ke fakakalauni ‘aki ‘a e lāngilangi mo e faka‘apa‘apa‘ia.
6‘Oku ke ‘ange ke ne pule ki he ngaahi ngāue ‘a ho nima:#1 Kol 15.27; ‘Efe 1.22; Hep 2.8
Kuo ke tuku ki hono lalo va‘e ‘a e me‘a kotoa;
7‘a e sipi mo e pulu, honau kotoa,
‘Io, mo e fanga manu foki ‘o e vao na;
8‘a e manupuna ‘o e ‘atā, mo e ika ‘o e tahi,
He ‘alu ‘i he ngaahi hala ‘o ngātai.
9‘E Sihova, ko homau ‘Eiki,
Hono ‘ikai fungani ho huafa ‘i māmani!
Currently Selected:
KO E SAAME 8: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
