KO E SAAME 74
74
Ko e Lotu Kole ke Fakahaofi e Fonuá
(Ko e Hiva-ako ‘a ‘Ēsafe.)
1KO E HĀ kuo ke li‘aki ai kimautolu ‘o ta‘engata, ‘Elohimi?
Ko e hā ‘oku kohu ai ho tuputāmaki ki he sipi ‘oku ke tauhi?
2Manatu ki ho siasi kuo ke fakatau talu mei tuai,
Na‘a ke huhu‘i mo‘ao matakali ke ke tofi‘a ‘aki;
‘A mo‘unga Saione na‘a ke ‘afio ai.
3Ke tooma ho‘o laka
Ki he ‘ū havehave kuo tuku ai pē ke ‘auha:
Ko e me‘a kotoa ‘i he fale tapu
Kuo hanga ‘e he fili ‘o maumau.
4Kuo kālou ho ngaahi fili ‘i ho loto‘ā;
Kuo nau fokotu‘u ‘enau ngaahi fuka mo faka‘ilonga.
5Ko e ino toki ‘oku fai na
Te ke pehē ko e tā ‘o ha vao tātā.#74.5 Te ke… tātā ‘Oku ‘ikai ke mahino ‘a e faka-Hepelū ‘o e vēsí ni.
6Pea ko eni hono fu‘u teuteu kotoa
‘Oku nau hae ‘aki ‘a e toki mo e hāmala.
7Kuo nau lī ha afi ki ho fale tapu;
Kuo nau ‘ai ki he kelekele,
‘O to‘o ‘a e molumalu ‘o e ‘afio‘anga ‘o e huafa ‘o‘ou.
8Na‘a nau pehē ‘i honau loto,
Tau hiki mo e faliki kinautolu na
Kuo nau tutu kotoa ‘a e ngaahi feingalotu ‘o e ‘Otua ‘i he fonua.
9Ko hotau ngaahi faka‘ilonga ‘oku ‘ikai hā:
‘Oku ‘ikai kei ai ha palōfita;
Pea ‘oku ‘ikai hatau toko taha ‘oku ne ‘ilo pe ‘e fēfē hono fuoloa.
10‘E fēfē hono fuoloa, ‘Elohimi,
‘A e taukae ‘a e kau fakamamahi,
‘E fai ‘e he fili ‘o ta‘engata
‘Ene talakaa‘i ho huafa?
11Ko e hā kuo ke ‘ai kona ai ho nima,
Ho to‘omata‘u na?#74.11 Ko e… to‘omata‘ú na; ‘Oku ‘ikai ke mahino ‘a hono faka-Hepeluú, ka ‘oku ngali tonu hono hiki ‘o: Ko e hā ‘okú ke ‘ākitu‘a aí.
To‘o mai ‘o fai ‘a e faka‘auha.
12Ka ko hoku tu‘i ‘a ‘Elohimi talu mei tuai,
‘O fai holo ‘ene fakahaofi ‘i māmani.
13Na‘a ke vaeua ‘a e tahi ‘aki ho māfimafi:#‘Eki 14.21
Na‘a ke have‘i ‘a e ngaahi ‘ulu‘i tanini ni ka nau tētē he funga vai.
14Na‘a ke laiki ‘e koe ‘a e ngaahi ‘ulu‘i levaiatani,#74.14 levaiatani; Ko e manu fakailifia ia he ngaahi talatupu‘a ‘o ono‘aho. Na‘e faka‘ilonga‘i ‘aki ia ‘a e ngaahi mālohinga ‘o e koví mo e moveuveú. #Siope 41.1; Saame 104.26; ‘Ais 27.1
‘O ke tuku ki he fa‘ahinga#74.14 fa‘ahinga; ‘a ia ko e monumanu, pe ko e kakai. nofo he ngaahi lala ke me‘akai ‘aki.
15Na‘a ke foa ‘e koe ha matavai, pea vaitafe leva:
Na‘a ke fakamātu‘u ‘ani vaitafe ‘oku ‘ikai maha.
16‘Oku ‘a‘au ‘a e ‘aho, ko e pō foki ko ho‘o ngāue:
Ka ai ha māma‘anga, ‘uma‘ā ‘a e la‘ā, ko ho‘o fokotu‘u pē.
17Ko koe kuo ke fokotu‘u ‘a e ngaahi vahevahe ‘o māmani:
Ko e fa‘ahita‘u māfana mo momoko ho‘o ngaohi.
18Manatu ki he me‘a ni;
Kuo fai ‘e he fili ‘a e taukae ‘o Sihova
Pea kuo fai ‘e ha kakai vale ‘a e talakaa‘i ‘o ho huafa.
19‘Oua ‘e tukuange ho‘o kulukulu ki he manu fekai:
‘Oua na‘a ngalo ‘o ta‘engata ‘a e mo‘ui ‘a ho‘o kau tu‘utāmaki.
20Hanga mu‘a ki he kovinānite:
He ko e ngaahi lala fakapo‘uli ‘o e fonua
Ko e koto nofo‘anga ‘o e kau fakamālohi pē.
21Ke ‘oua na‘a foki laea ‘a si‘i laiki na:
Tuku ke fakamālō‘ia ho huafa
‘E si‘i tu‘utāmaki mo masiva.
22Tu‘u, ‘Elohimi, taukapo‘i ha‘au me‘a:
Manatu ki ho taukae‘i ‘e he vale ‘i he ‘aho kotoa.
23‘Oua na‘a ngalo ‘a e le‘o ho kau fakamamahi ē:
‘A e longoa‘a ‘o e kakai ‘oku tu‘u ki he ‘Afiona,
‘A ia ‘oku ‘alu hake ai pē.
Currently Selected:
KO E SAAME 74: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
