KO E SAAME 72
72
Ko e Lotu ma‘á e Tu‘í
(Ko e me‘a ‘a Solomone.)
1‘E ‘ELOHIMI, foaki ki he tu‘i ho halanga fakamaau,
‘Io, ki he ‘alo ‘o e motu‘a tu‘i, ho‘o faitotonu.
2Ke#72.2 Ke: ‘Oku hiki ‘e he ni‘ihi: Te ne. pea pehē mo e ngaahi veesi ‘oku hokó. ne fakatonutonu mā‘oni‘oni ‘a e ngaahi me‘a ‘a ho kakai,
Mo fai fakakonisitūtone ma‘a ho kakai vaivai.
3Ke fakatupu lelei ma‘a e kakai ‘a e ngaahi mo‘unga lalahi,
Pehē mo e ngaahi mo‘unga si‘i, ka ‘i he funga ‘o e mā‘oni‘oni.
4Ko e kakai ngaohikovia te ne taukapo‘i,
Ko ha‘a masiva te ne fakahaofi,
Kae laiki ‘a ia ‘oku fai fakamālohi.
5Ka nau ‘apasia kiate koe lolotonga ‘oku tu‘u ‘a e la‘ā,
Pea ‘i he mata ‘o e māhina, ‘o laui to‘utangata.
6Te ne hangē ko e hifo ha ‘uha ki he musie kuo tā:
Hangē ha mahua ‘a e lōvai ki he fonua.
7Ke to‘ulu ‘a e mā‘oni‘oni ‘i hono kuonga;
Pea ke leta ‘a e melino, kae‘oua ke ngata ‘a e māhina.
8Ke ne pule foki mei tahi ki tahi,#Sāk 9.10
Pea mei he Vaitafe ki he ngata‘anga ‘o māmani.
9Ko e nofo toafa ‘e punou ‘i hono ‘ao;
Pea ko hono ngaahi fili ‘e kai efu ‘aki honau ‘elelo.
10Ko e ngaahi tu‘i ‘o Tāsisi mo e ‘otu motu te nau tuku me‘a‘ofa:
Ko e ngaahi tu‘i ‘o Sipa mo Sapa#72.10: Sipa mo Sapa; Na‘e tu‘u ‘a Sipa mei he tonga ‘o ‘Ālepá, pea ko Sapa mei he kauvai ‘e taha ‘o e Tahi Maté. te nau ‘omi koloa.
11‘Io, ‘e hū kiate ia ‘a e tu‘i kotoa pē:
‘E tauhi ia ‘e he pule‘anga fuli pē.
12He ‘oku ne fakahaofi ‘a e masiva ‘oka tangi;
Ko e vaivai foki mo ia ‘oku ‘ikai hano tokoni.
13Ko e tu‘utāmaki mo e masiva ‘oku ne faka‘atu‘i,
Pea ko e ngaahi laumālie ‘o e masiva ‘oku ne fakamo‘ui.
14‘Oku ne huhu‘i honau laumālie mei he maumau mo e fakamālohi,
Pea ‘oku mahu‘inga honau toto ‘i he‘ene vakai:
15Ko ia te nau mo‘ui, ‘o ‘ange ki ai ha koula Sipa:#72.15 Sipa, pe Pea te ne mo‘ui, pea ‘e ‘atu ki ai; etc. Ko Sipá mei he tonga ‘o ‘Ālepá.
Pea ‘e fai ma‘u pē hono hufekina;
Te nau fakamālō ki ai ‘i he ‘aho kotoa.
16Ke mafola mai ‘a e koane ‘i he fonua,#72.16 Ke… fonua; pe ‘E ai ha falukunga koane.
Pea lea hangē ko Lepanoni hono fua ‘i he funga mo‘unga:
Pea ke nau fisiki mai mei he kolo hangē ko e mohuku ‘o e fonua.
17Ke ta‘engata hono huafa;
Ke huli hono huafa lolotonga ‘oku hanga mai ‘a e la‘ā;
Ke lau ‘e he kakai ‘oku nau monū‘ia ‘iate ia;
Ke tuku monū ki ai ‘a e ngaahi pule‘anga.#72.17 Ke lau… pule‘anga; pe Ke kole ‘a e ngaahi pule‘angá ki he ‘Otuá ke ne tāpuaki‘i kinautolu, ‘o hangē ko ‘ene tāpuaki‘i ‘a e tu‘í, peft… pea ke nau fakatauange ke monimonūmonitonu ‘a e tu‘í.
18Mālō, Sihova ‘Elohimi, ko e ‘Otua ‘a ‘Isileli!
‘A ia toko taha ‘oku fai me‘a fakaofo lahi:
19Ke mālō‘ia ‘o ta‘engata hono huafa lāngilangi‘ia:
Pea ke fonu ‘a māmani kātoa ‘i hono kolōlia!
‘Ēmeni mo ‘Ēmeni!
20Ngata ‘a e ngaahi lotu ē
‘A Tēvita foha ‘o Sese.
KO HONO TOLU ‘O E PUKA
Currently Selected:
KO E SAAME 72: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
