KO E SAAME 68
68
Ko e Hiva ki he Ikuna ‘a e Fonuá he Tau
(Ki he Pule ‘o e Hiva, Ko e Saame ‘a Tēvita. Ko e ta‘anga.)
1KE ma‘ama‘a hake ‘a ‘Elohimi,
Kae movetevete hono ngaahi fili;
Pea feholaki mei hono fofonga,
‘A kinautolu ‘oku fehi‘a kiate ia.
2Hangē ko e tolona ‘a e kohu
Ke pehē ho‘o tolona kinautolu:
Hangē ko e vai ‘a e uakisi
He ofi ki ai ‘a e afi,
Ke pehē ‘a e ‘auha ‘a e kau angahala
‘I he ‘ao ‘o e fotu ‘a ‘Elohimi.
3Ka ke fiefia ‘a ha‘a mā‘oni‘oni,
Ke nau hākahaka he fotu mai ‘a ‘Elohimi;
‘Io, ke nau tome‘e he fiefia lahi.
4Hiva ki he ‘Otua,
Tā ha‘ape ki hono huafa:
Tanu ha hala kiate ia ‘oku me‘a mai he Sāliote
‘I he ngaahi fonua mamate.#68.4 ‘I he. mamate; pe ‘i he ngaahi ‘ao.
Ko IAA hono huafa:
Pea mou hākahaka he‘ene fotu mai na.
5Ko e tamai ki he tamai mate,
Mo e fakamaau ‘oku tokanga ki he fefine uitou;
Ko e ‘Otua ia ‘i hono ‘afio‘anga toputapu.
6‘Oku ‘ai ‘e he ‘Otua ‘a e teka noa ke nofo fale,
‘Oku ne tukuange ‘a e ha‘isia ke tu‘umālie;
Ngata pē ‘i he angatu‘u ‘oku nau nofo ai pē ‘i he fonua mamate.
7‘E ‘Elohimi, ‘i ho‘o me‘a atu ‘i he ‘ao ho kakai na,
‘I ho‘o hā‘ele atu he potu lala; (Sila)
8Na‘e tekelili ‘a e fonua, na‘e tutulu foki ‘a e langi ‘i he ‘ao ‘o ‘Elohimi;#‘Eki 19.18
‘Io, ‘a Sainai na ‘i he ‘ao ‘o ‘Elohimi ko e ‘Otua ‘o ‘Isileli,#68.8 ‘Io… ‘Isileli; Na‘e fakahā ‘e he ‘Otuá ia ki he kakai ‘Isilelí ‘i he Mo‘unga ko Sainaí ‘i he lolotonga ‘enau fononga mei ‘Isipite ki Kēnaní (vakai kia ‘Eki 19.16-25).
9Na‘a ke taufu‘i ho tofi‘a ‘aki ha vai lahi, ‘Otua ē,
Pea ‘i he‘ene ngaluvai na‘a ke fokotu‘u hake.
10Ko ho‘o tākanga na‘e nofo‘i ai;
‘I ho‘o angalelei, ‘Elohimi, na‘a ke teuteu ma‘a si‘i tu‘utāmaki.
11‘Omai ‘a e tala ‘e ‘Ātonai–
Ko e kau fefine tala ongoongo lelei ko e hōsitē lahi.
12“Oku hola, ‘oku hola ‘ani tu‘i hōsitē:
Pea ko si‘i nofo ‘api ‘oku tufa ‘a e vete.
13Ko ho‘omou tākoto he ngaahi loto‘ā sipi na,
Ka ko e kapakau‘i lupe ē ‘oku ‘ufi‘ufi siliva,
Pea ko e fulufulu ‘oku felofelo he pani koula!”
14‘I he nuiki ‘e Sātai ‘a e ngaahi tu‘i hena
Na‘e hangē kuo tō ‘a e sinou ‘i Salamona.
15Ko ha mo‘unga ‘o ‘Elohimi ‘a Mo‘unga Pēsani;
Ko ha mo‘unga tumutumua ‘a Mo‘unga Pēsani.
16Ko e hā ‘oku mou mata meheka ai, ‘a e ngaahi mo‘unga tumutumua,
Ki he mo‘unga#68.16 mo‘unga; Vakai ki he 2.6. kuo fili ‘e ‘Elohimi mōno nofo‘anga?
‘Ā, ‘e ‘afio ai ‘a Sihova ‘o ta‘engata.
17Ko e tau sāliote ‘a ‘Elohimi ko e mano ‘e ua,
Ko e ngaahi laui afe ia:
‘Oku ‘i honau lotolotonga ‘a ‘Ātonai:
Kuo ne hā‘ele ki he potu tapu mei Sainai.#68.17 Kuo ne… mei Sainai; ‘Oku ngali tonu hono hiki ko iá, ka ‘oku pehē he faka-Hepeluú: ‘i ai (‘i he ngaahi sālioté), Sainai.
18Kuo ke hā‘ele ki ‘olunga,#‘Efe 4.8
Kuo ke taki pōpula ha koto pōpula,
Kuo ke tali me‘a‘ofa mei he tangata;
‘Io, mei he angatu‘u foki mo ‘afio ai ‘a IAA ‘ELOHIMI.
19Mālō mo ‘Ātonai mu‘a
‘Oku ne fua kavenga ma‘atautolu he ‘aho kotoa;
‘Io, ‘a ‘Ela ko hotau fakamo‘ui‘anga. (Sila)
20Ko e nofo ‘a ‘Ela kiate kitaua,
Ko e ‘Otua mohu fakamo‘ui‘anga;
Pea na‘a mo e mate ‘oku ma‘u ‘e Sihova ‘Ātonai
‘Ani hao‘anga mei ai.
21Ka ‘e ‘ai ‘e ‘Elohimi ki hono ngaahi fili ha fu‘u tofikulu,
‘O taa‘i ‘a e fanga ‘olunga ‘o ia ‘oku fai atu ‘ene pau‘u.
22Folofola mai ‘a ‘Ātonai,
Neongo ‘oku nau ‘i Pēsani te u ‘omai,
Te u ‘omi mei he ngaahi loloto ‘o e tahi.
23Koe‘uhi ā ke ke kaukau ho va‘e ‘i he toto:
Ko ho‘o fanga kulī foki, ke ‘inasi ‘i he fili honau ‘elelo.
24Kuo nau fa‘a māta‘i ho‘o hā‘ele, ‘e ‘Otua;
‘A e fa‘a hā‘ele ‘a hoku ‘Otua, ko hoku Tu‘i, ki he fale tāpuhā.
25Ko e hiva ē na‘e mu‘omu‘a,
Hoko ai ‘ani tā me‘alea,
‘Alu ‘i to‘ohema mo to‘omata‘u kau finemui mo e lali fangufangu.
26“Mou fakamālō kia ‘Elohimi, ‘a e ngaahi fakataha kakai,
‘Io, kia ‘Ātonai, ha‘a tupu mei he matavai ko ‘Isileli.”
27Ko ena ‘a ki‘i Penisimani ko honau angi;
‘A e hou‘eiki ‘o Siuta ‘ene fetu‘ani;
‘A e hou‘eiki Sepulone, ‘a e hou‘eiki Nafitalai.
28“Kuo tu‘utu‘uni ‘e he ‘Otua ha ivi mo‘ou.”
“Poupou, ‘e ‘Otua mei ho temipale ‘a e me‘a kuo ke fai ma‘amautolu.”
29Ke ‘ohake ‘e he ngaahi tu‘i ki Selusalema
‘Ani holo ki he ‘Afiona.
30Ko e manu ‘o e kaho ke ke valoki pē,
Honau tākanga pulu ē,
Mo e fanga kafi ko lāuvale:
Ko e kau loto‘aki ‘a e siliva, ke ke malaki,
Ko e ngaahi fa‘ahinga pole tau, ke ke veteki?#68.30 Ko e toki veesi fihi eni.
31‘E ha‘u mei ‘Isipite ‘a ha‘a fangatu‘u na,#68.31 ‘a ha‘a fangatu‘ú na; ‘Oku ‘ikai ke mahino ‘a hono faka-Hepeluú, ka ‘oku pehē ‘i he ngaahi hiki fuoloa ‘e ni‘ihi: ha kau fakafofonga.
Ko ‘Itiopea#68.31 ‘Itiopea; Vakai ki he “Ngaahi Huluhulu”. te ne vave ‘aki mai hono nima ki he ‘Otua.
32Hiva kia ‘Elohimi ‘a e ngaahi pule‘anga ‘o māmani;
Tā ha‘ape mu‘a kia ‘Ātonai.
33‘Ene ‘Afio ‘oku sāliote ‘aki ‘a e langi ‘o e mu‘aki langi- (Sila)
Uoi! ‘oku ne ha‘aki mai hono le‘o, hono ko e le‘o māfimafi!
34Pe‘i tuku ‘a e māfimafi kia ‘Elohimi,
‘A ia ‘oku ‘i funga ‘Isileli hono lāngilangi,
Pea ‘oku ‘i he ngaahi ‘ao hono māfimafi.
35“‘Oku fakalilifu mai ho ngaahi fale tapu, ‘e ‘Elohimi,
‘A e ‘Afiona ko e ‘Otua ‘o ‘Isileli:
‘Oku ne ‘ange mālohi mo e koto ngū ki he kakai.
Ke mālō‘ia ‘a ‘Elohimi.”
Currently Selected:
KO E SAAME 68: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
