KO E SAAME 67
67
Ko e Hiva Fakafeta‘i
(Ki he Pule ‘o e Hiva. Ke fai mo e ngaahi me‘a helefilo. Ko e Saame hiva.)
1KE ‘alo‘ofa mai ‘a e ‘Otua, ‘o fai homau tāpuekina;
Pea fakaulo mai hono fofonga ‘i homau lotolotonga: (Sila)
2Kae ‘ilo ho hala ‘e māmani,
Mo ho‘o fakamo‘ui ‘i he lotolotonga ‘o e ngaahi kakai.
3Ke fakamālō ‘a e kakai kiate koe, ‘Elohimi,
‘Io, ke fakamālō kotoa kiate koe ‘e he ngaahi kakai.
4‘Ē, ke fiefia ‘a e ngaahi pule‘anga mo hākailangitau:
He te ke fakamaau ‘a e ngaahi kakai ‘i he totonu,
Pea ko e ngaahi kakai ‘o māmani, te ke taki kinautolu. (Sila)
5Ke fakamālō ‘a e ngaahi kakai kiate koe, ‘Elohimi;
‘Io, ke fakamālō kotoa kiate koe ‘e he ngaahi kakai.
6Kuo foaki ‘e he kelekele hono fua:
‘E tāpuaki‘i kitautolu ‘e ‘Elohimi ko hotau ‘Otua.
7‘E tāpuaki‘i kitautolu ‘e ‘Elohimi,
Pea ‘e ‘apasia kiate ia ‘a e ngaahi ngata‘anga ‘o māmani.
Currently Selected:
KO E SAAME 67: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
