KO E SAAME 61
61
1 Ko e Lotu Kole Malu‘i
(Ki he Pule ‘o e Hiva. Ke fai‘aki ‘a e me‘a helefilo. Ko e me‘a ‘a Tēvita.)
1‘ELOHIMI ē, ongo‘i ‘eku tangi atu;
Tokanga‘i mu‘a ‘eku lotu.
2Ko e ngata‘anga ‘o māmani ē
‘Oku ou tautapa mei ai kiate koe,
He pongia hoku loto ē:
Ko e makatu‘u ‘oku mā‘olunga fau
Te ke taki ki ai au.
3He ko hoku hūfanga koe he taimi kuo hili,
Ko e taua mālohi he ‘ao ‘o e fili.
4Ka u ‘āunofo ki ho Tāpanekale ‘o lauikuonga:
Ka u ‘āunofo ki he toitoi‘anga ho kapakau na. (Sila)
5He ko koe, ‘Elohimi,
Kuo ke ongona ‘eku ngaahi tukumo‘ui:
Kuo ke tu‘utu‘uni mai ‘a e tofi‘a ‘o ha‘a ‘apasia ki ho huafa.
6Ko e mo‘ui ‘a e tu‘i te ke fakatolonga:
‘A hono ngaahi ta‘u ke laui to‘utangata.
7Te ne ‘afio ‘i he ‘ao ‘o e ‘Otua ‘o ta‘engata:
Ke ke tu‘utu‘uni ‘a ‘Ofa mo Mo‘oni ke lehilehi‘i ia.
8Ko ia ai, te u hiva ‘aki ho huafa ma‘u pē,
‘O u fakaai ‘eku ngaahi tukumo‘ui hokohoko ‘aho pē.
Currently Selected:
KO E SAAME 61: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
