KO E SAAME 60
60
Ko e Lotu Kole ke Fakahaofi Kita
(Ki he Pule ‘o e Hiva. Ki he fasi ko “Lile fakamo‘oni.” Ko e Sāme-Koula ‘a Tēvita ki he ako. Fe‘unga mo ‘ene fekuki mo Sīlia-Mesopotēmia, pea mo Sīlia-Sopa, pea foki ‘a Sioape ‘o taa‘i ‘a ‘Ītomi ‘i Tele‘a Māsima, ko e toko taha mano mā ua afe.)
1‘E ‘OTUA, kuo ke li‘aki kimautolu, kuo ke ‘ai ke mau havehave;
Kuo ke houhau mai; ‘ē, ‘ai ke mau mānava hake.#60.1 ‘ē… hake; pe ka ke toe āfeitaulalo mai kiate kimautolu, pe mo sītu‘a mai.
2Na‘a ke tuku ‘a e fonua ke ngalulu; na‘a ke ‘ai ke mafahi:
Fakama‘opo hono ngaahi mafahi, he na‘e fengatāliaki.
3Kuo ke tuku ho‘o kakai ke ‘ilo me‘a fefeka:
Kuo ke fakainu kimautolu ‘aki ha uaine ‘a ia ko e koto tāsipa.
4Kuo ke ‘ange ki ho kakai lotu ha fuka,
Ke nau hola tokua mei he kaufana!#60.4 Ke nau… kaufana! ‘Oku fihi. ‘Oku hiki ‘e he ni‘ihi: ke fusi koe‘uhí ko e mo‘oní. (Sila)
5Koe‘uhi ko ho‘o pele ke hamusi,
Fakato‘omata‘u mai ho‘o fakamo‘ui,
Pea tali kimautolu ni.
6‘Oku ai ha folofola ‘a ‘Elohimi,
Na‘e fai‘aki ‘ene mā‘oni‘oni,
‘Āua, te u fakamofuta mu‘a: Ko Sīkemi te u vetea,
Pea ko e tele‘a ‘o Sūkoti te u tufa.
7‘Oku ‘o‘oku ‘a Kiliati ē,
Pea ‘o‘oku mo Manase;
Pea ko ‘Ifalemi ko e tauhi hoku ‘ulu ia;
Ko Siuta hoku sēpita.
8Ko Moape hoku ipu kaukau‘anga;
Ko ‘Ītomi te u lī ki ai hoku teka:
Pe‘i fākaulu mai ‘a Filisitia.
9Ko hai ‘e taki au ki he kolo ‘aa‘i?
Ko hai na‘e ‘ave au ki ‘Ītomi?
10‘Ikai ko koe, ‘Elohimi, ne ke li‘aki kimautolu?
‘A e ‘Elohimi ‘oku ‘ikai ke hā‘ele mo ‘emau ngaahi kongakau.
11‘Omi tokoni mo tali ‘a e fili:
He ko e tokoni ‘a e tangata ko e koto nge‘esi
12Te tau fai fita ‘ia ‘Elohimi:
He ko ia ia te ne malaki hotau ngaahi fili.
Currently Selected:
KO E SAAME 60: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
