KO E SAAME 59
59
Ko Lotu Kole Malu‘i
(Ki he Pule ‘o e Hiva. Ki he fasi ko “‘Oua ‘e faka‘auha.” Ko e Saame-Koula ‘a Tēvita ‘i he taimi na‘e fekau ai ‘e Saula ke lama ‘a e fale ke tāmate‘i ia.)#1 Sām 19.11
1‘E HOKU ‘OTUA, hamusi au mei hoku ngaahi fili;
Hiki ki ‘olunga meiate kinautolu ‘oku tu‘u mai.
2Hāmusi au mei he kakai ‘oku mo‘ui ‘aki ‘a e angahala,
Pea fakahaofi au mei he kau siana toto‘ia.
3He vakai kuo nau puleaki‘i ‘eku mo‘ui;
‘Oku nau fakataha ke fai me‘a kiate au ko e koto mālohi;
Ka tala‘ehai ko ha‘aku ngāue kovi kuo fai, pe ko ha‘aku angahala, ‘Eiki.
4Ta‘eha‘aku kovi ‘oku nau felelei ke fakatē mai:
Ke ke ‘ā ke fakafetaulaki kiate au, ‘o vakai.
5‘Io, ko koe, Sihova ‘Elohimi Sāpaoti ‘a e ‘Otua ‘o ‘Isileli,
O‘i ke ‘a‘ahi kotoa ‘a e hīteni:
‘Oua te ke mamae‘i ha toko taha ‘i he kau kovi ‘oku lavaki. (Sila)
6‘Oku nau foki efiafi,
‘Oku nau kālou hangē ha kulī,
‘Oku nau foli takai ki he kolo ni.
7‘Oi! ‘a e pu‘aki ‘e honau ngutu na;
Tā ko honau loungutu ko e ‘ainga heletā:
“Ko ia ai, pē, he ko hai ‘oku ongona?”
8Ka ko koe, ‘Eiki, ‘oku ke kata kiate kinautolu na;
‘Oku ke manukia ‘a e hīteni kotoa.
9‘E hoku mālohinga, ko koe te u tauhi ki ai:
He ko hoku taua ‘a ‘Elohimi.
10Ko hoku ‘Otua te ne fakafetaulaki kiate au mo ‘ene meesi:
‘E tuku ‘e ‘Elohimi ke u sioa hoku ngaahi fili.
11‘Oua ‘e tāmate‘i kinautolu,
Na‘a ngalo ‘a e me‘a ‘i he kakai ‘o‘oku:
Fai ‘aki ho ivi ke nau ‘āunoa, pea toki tulaki kinautolu,
‘E ‘Ātonai ko homau fakaū.
12‘Oku angahala tu‘u honau ngutu ‘i he me‘a ‘oku tō mai,
Ko ia tuku ke puke kinautolu ‘i he‘enau fielahi,
Pea koe‘uhi ko e kape mo e loi ‘oku nau lea‘aki.
13Faka‘auha kinautolu ‘i ho‘o tuputāmaki,
Faka‘auha ke ‘oua te nau toe ‘i ai:
Ke nau ‘ilo ‘oku pule ‘i Sēkope ‘a ‘Elohimi,
‘O fai atu ki he ngata‘anga ‘o māmani. (Sila)
14Pea te nau foki efiafi,
Te nau kālou hangē ha kulī,
Pea te nau foli takai ki he kolo ni.
15Te nau holi fano he kumi kai ‘a kinautolu na;
Ka ‘ikai ma‘u te nau mohe fiekaia.
16Ka ko au te u hiva‘aki ho ivi;
Pea te u kalanga‘aki ho‘o ‘ofa ‘i he pongipongi:
He ko e fu‘u taua koe kiate au,
Mo e hūfanga ‘i he ‘aho na‘a ku faingata‘a‘ia ai fau.
17‘E hoku mālohinga, ko koe te u tā ha‘ape ki ai:
He ko hoku taua ‘a ‘Elohimi ko e ‘Otua ‘o ‘eku meesi.
Currently Selected:
KO E SAAME 59: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
