KO E SAAME 6
6
Ko e Lotu ‘i he Faingata‘a‘ia
(Ki he Pule ‘o e Hiva. Ke fai mo e ngaahi me‘a helefilo. Ma‘a e laulalo. Ko e Saame ‘a Tēvita.)
1‘EIKI, ‘oua te ke valoki au ‘i ho‘o ‘ita,#Saame 38.1
Pea ‘oua te ke tautea au ‘i ho‘o fu‘u tuputāmaki na.
2‘Ofa mai, ‘Eiki, he Kuo u vaivai:
Sihova, faito‘o mai; he ‘oku ngatata hoku ngaahi hui.
3‘Oku mātu‘aki tākatu‘u foki ‘eku mo‘ui ē:
Ka ko koe, ‘Eiki, ‘afē?
4Foki mai, ‘Eiki, ‘o hamusi ‘eku mo‘ui:
Fakamo‘ui au koe‘uhi ko ho‘o anga faka‘atu‘i.
5He tala‘ehai ‘oku ‘i ai ha manatu kiate koe ‘i he mate:
Ko hai ‘e fai ‘i Hētesi ha fakafeta‘i kiate koe?
6‘Oku ou ongosia ‘i he‘eku tauto‘e:
Ko hoku mohenga ‘oku tētē ‘i he pō kotoa pē:
‘Oku ngaunu hoku tokoto‘anga ‘i hoku lo‘imata.
7‘Oku ‘osi‘osi hoku fo‘i mata ‘i he hoha‘a:
‘Oku mātu‘aki luku ia
‘I he ngāue ‘a hoku fu‘u kau fakatanga.
8Hiki meiate au, ‘a e kau faikovi:#Māt 7.23; Luk 13.27
He kuo ongo‘i ‘e Sihova ‘a e le‘o ‘o ‘eku tangi.
9Kuo ongo‘i ‘e Sihova ‘eku hū;
‘E tali ‘e Sihova ‘eku lotu.
10‘E mā hoku ngaahi fili fua pē, ‘o nau mātu‘aki hoha‘a:
Te nau foki atu, pea ‘iloange te nau mā.
Currently Selected:
KO E SAAME 6: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
