KO E SAAME 5
5
Ko e Lotu Kole Malu‘i
(Ki he Pule ‘o e Hiva. Ke fai mo e ngaahi mimiha. Ko e Saame ‘a Tēvita.)
1Hāngai fofonga, ‘Eiki, ki he ngaahi lea ni ‘a‘aku;
Tokanga‘i ‘eku muhumuhu.
2Ofe‘i ho fofonga ki he le‘o ‘o ‘eku tautapa,
‘E hoku Tu‘i mo hoku ‘Otua;
He ‘oku ou hū ki he ‘Afiona.
3‘Eiki, te ke fanongo ki hoku le‘o ‘i he pongipongi;
Pongipongi te u fokotu‘u atu ia#5.3 ia; pe feilaulau. mo talitali.
4He tala‘ehai ko e ‘Otua koe ‘oku ke manako ki he angahala;
‘E ‘ikai ‘āunofo ha kovi ki he ‘Afiona.
5‘E ‘ikai matu‘u ‘a e kau sesele ‘i ho ‘ao;
‘Oku ke fehi‘a ki he kau maumau lao.
6Ko kinautolu ‘oku lea loi ‘oku ke faka‘auha;
‘Oku fakalili‘a ‘e Sihova ki he tangata fakapō mo kākā.
7Ka ko au–‘i he lahi ‘o ho‘o ‘alo‘ofa te u hū ki ho fale;
Te u punou ‘o hanga ki ho temipale tapu ‘i he manavahē.
8‘E Sihova tataki au ‘i ho‘o totonu,
Koe‘uhi ko e kakai ‘oku tokamalumu kiate au,
Fakatokalelei ‘i hoku ‘ao ‘a e hala ‘o‘ou.
9He ‘oku ‘ikai ha me‘a ‘i honau ngutu ‘e pau:#Lom 3.13
Ko honau loto ko e vanu;
Ko honau kia ko e fonualoto kuo to‘o,
Ka nau ‘ai ke molemole honau ‘elelo.
10‘E ‘Otua, ke ke fakahalaia kinautolu;
Tuku ke nau hinga ‘i he‘enau ngaahi fakakaukau:
Teke‘i kinautolu ‘i he lahi ‘o ‘enau faihala,
He kuo nau angatu‘u ki he ‘Afiona.
11Ka, ke fiefia ‘a kinautolu kotoa
Kuo hūfanga ki he ‘Afiona;
Ke nau mavava ‘o lauikuonga:
‘Io, ke taukapo‘i kinautolu ‘e he ‘Afiona,
Pea ke viki ‘iate koe ‘a e kau ‘ofa ki ho huafa.
12He ko koe, ‘Eiki, ‘oku ke tāpuaki‘i ‘a e angatonu,
‘Oku ke kāpui ‘aki ho‘o ‘ofa ‘o hangē ha fu‘u fakaū.
Currently Selected:
KO E SAAME 5: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
