KO E SAAME 4
4
Ko e Lotu Efiafi, ko e Kole Tokoni
(Ki he Pule ‘o e Hiva, Ke fai mo e ngaahi me‘a helefilo. Ko e Saame ‘a Tēvita.)
1KA U ka tangi atu ke ke tali au,
‘A e ‘Otua ‘o ‘eku totonu!
‘I he‘eku ‘efihia na‘a ke faka‘atā au:
Āfeitaulalo mai ‘o ongo‘i ‘eku lotu.
2Ha‘a matāpule, ko futufutunga
‘a e liliu hoku lāngilangi ko e fakamā!
Ko futu ho‘omou ‘ofa ki he muna,
Mo kumi ki he kākā! (Sila)
3Ka mou ‘ilo kuo vahe‘i mo‘ona ‘e Sihova ‘ene ‘ofeina;#4.3 ‘ofeina; Ko hono hiki ‘e taha ko e: tangata lotu.
‘Oku ongo‘i ‘e Sihova ‘oka u ka tangi kiate ia.
4Mou tetetete, ‘o ‘oua ‘e faihala.#4.4 Mou… faihala; Ko hono hiki he Sepituakiní: ‘Ita pē, kae ‘oua ‘e angahala ai.
Fakalaulauloto ‘i homou mohenga, ‘oua ‘e lea. (Sila)
5‘Atu ‘a e ngaahi feilaulau fakatonuhia,
Pea tu‘u ho‘omou falala kia Sihova.
6‘Oku lau ‘e he tokolahi,
Ko hai te ne faka‘ilo mai he lelei?
Hiki hake mai koe, ‘e Sihova,
‘A e maama ‘o ho fofonga!
7Kuo ke ‘ai ki hoku loto ha fiefia
‘Oku lahi ‘i he‘enau ongo‘i na,
‘I he taimi na‘e fu‘u tupulekina ai ‘a ‘enau uite mo e kava.
8Kuo lelei, ka u tokoto hifo pea u mohe leva;
He ko koe, ‘Eiki, ‘oku ke fe‘unga toko taha mo ‘eku nofo nonga.
Currently Selected:
KO E SAAME 4: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
