KO E SAAME 41
41
Ko e Lotu he Fokoutua
(Ki he Pule ‘o e Hiva, Ko e Saame ‘a Tēvita)
1MONŪ‘IA Ā ka ko ia ‘oku ne toka‘i ‘a e tu‘utāmaki:
Ka hoko ‘a e ‘aho kovi ‘e fakahaofi ia ‘e he ‘Eiki.
2‘E tauhi ‘e Sihova mo fakamo‘ui,
Te ne monū‘ia ‘i māmani,
Pea ‘e ‘ikai te ke tuku ke fa‘iteliha ai hono ngaahi fili.
3Ko Sihova te ne poupou ia ‘i he toka‘anga, he‘ene ngaluvai:
‘Oku ke fakalelei hono mohenga kotoa he‘ene mahaki.#41.3 ‘Okú ke… mahaki; pe Kuó ke liliu ‘aupito ‘ene tokotó.
4Ko au na‘a ku pehē, ‘Alo‘ofa mai, ‘e Sihova:
Faito‘o hoku laumālie, he Kuo u angahala ki he ‘Afiona.
5Ko hoku ngaahi fili ‘oku nau faka‘amu kovi mai,
“‘Afē te ne mate, pea mole ‘a e manatu ki ai?”
6Pea ka ha‘u ia hoku ‘a‘ahi ‘oku ne lau loi;
Ko hono loto ‘oku ne tufi ‘a e kovi:
‘Oku ne ‘alu ki tu‘a, ‘o lea ki ai.
7‘Oku nau fakataha hoku vangi, ‘oku nau fefanafanahi:
‘A kinautolu kotoa ‘oku fehi‘a mai:
‘Oku nau puleaki‘i au ke fai mai ha kovi.#41.7 ‘Oku nau… kovi; pe ‘Oku nau tala holo ko e tangata kovi tahá au.
8“Kuo pau kuo hua‘i kiate ia ha mahaki fakalielia,
Pea ‘e ‘ikai te ne tu‘u mei he‘ene tokoto ko ia.”
9Ko hoku kaume‘a fafale foki,#Māt 26.23; Ma‘ake 14.18; Luk 22.21; Sioné 13.18
‘A ia na‘a ku falala ki ai,
Ha taha na‘e kai ‘a e mā ‘a‘aku,
Kuo ne hiki hono muiva‘e kiate au.
10Ka ko koe, ‘Eiki, ke ‘alo‘ofa mai, ‘o fokotu‘u au;
Ka u fai ha sauni kiate kinautolu.
11Ko e me‘a ko ia ‘oku ou ‘ilo ai ho‘o kei manako mai,
He ‘oku ‘ikai mavava ‘iate au hoku fili.
12‘Io, ko au ‘oku ke pukepuke ‘i he‘eku haohaoa,
Pea ‘oku ke ‘ai ke u fe‘ao ma‘u mo koe, ‘o ta‘engata.
13Ke mālō‘ia ‘a Sihova ko e ‘Otua ‘o ‘Isileli#Saame 106.48
Mei ‘ītāniti ki ‘ītāniti.
‘Ēmeni mo ‘Ēmeni.
Currently Selected:
KO E SAAME 41: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
