KO E SAAME 3
3
(Ko e Saame ‘a Tēvita ‘i he‘ene hola meia ‘Apisalome.)
1‘EIKI, hono ‘ikai tokolahi hoku ngaahi fili!
Toko lahi ‘a e kakai ‘oku tu‘u mai!
2Toko lahi ‘oku lea ki hoku laumālie ni,
‘E ‘ikai hano tokoni meia ‘Elohimi! (Sila)
3Ka ko koe, ‘Eiki, ko e fakaū ‘o takatakai au;
Ko hoku lāngilangi mo e hiki‘anga ‘o hoku ‘ulu.
4Ko hoku le‘o ni ‘oku ou tangi ‘aki kia Sihova,
Pea ‘oku ne tali au mei hono mo‘unga tapu na.#3.4 mo‘unga tapu; Vakai ki he 2.6. (Sila)
5Ne u tokoto hifo, pea u mohe–‘a au!
Na‘a ku ‘ā hake, he ko Sihova ‘oku ne faka‘olunga au.
6‘E ‘ikai te u manavahē ki ha mano‘i kakai,
Neongo ‘enau kāpui au takatakai.
7‘E Sihova, ke ke tu‘u hake;
Tokoni mai, hoku ‘Otua ē!
He kuo ke taa‘i kou‘ahe hoku fili fua pē;
Kuo ke laiki ‘a e nifo ‘o e faka‘otuamate.
8‘Oku ‘a e ‘Eiki ke tokoni:
Ke hifo ki ho kakai ‘a ho‘o tāpuaki! (Sila)
Currently Selected:
KO E SAAME 3: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
