KO E SAAME 35
35
Ko e Lotu Kole Malu‘i Mei he ngaahi Fili
(Ko e me‘a ‘a Tēvita.)
1FEKUKI, ‘Eiki, mo kinautolu ‘oku fekuki mo au:
Tau‘i ‘a kinautolu ‘oku tau‘i au.
2To‘o ‘a e pā mo e fakaū,
Pea ke tu‘u ke tokoni au.
3Unuhi ‘a e tao, ‘o songo ‘a e hala kiate kinautolu ‘oku tuli kita:
Lea ki hoku laumālie, “Ko au ho mo‘ui‘anga.”
4‘Ofa ke mā mo laea ‘a kinautolu ‘oku tuli ki he‘eku mo‘ui:
Pea ko kinautolu ‘oku feinga kovi kiate au,
‘Ofa ke fakafoki ki mui kinautolu, ‘o fakapuputu‘u‘i.
5Ke nau hangē ko e kafukafu ‘i he ‘ao ‘o e matangi,
Pea fakateka ‘e he ‘āngelo ‘a e ‘Eiki.
6Ke fakapo‘uli mo heheke ‘aupito honau hala,
Pea tuli kinautolu ‘e he ‘āngelo ‘a Sihova.
7He kuo nau fakamohe kupenga kiate au ta‘ehano ‘uhinga,
Ta‘ehano ‘uhinga ‘enau keli luo ke ma‘u kita.
8Ke mo‘utāmakia ia ‘e he faka‘auha;
Pea ko e kupenga kuo ne fakamohe, ‘ofa ke tau ai ia:
‘Io, ‘ofa ke ne tō ‘i he faka‘auha pē ko ia.
9Toki hākahaka hoku laumālie ‘i he ‘Eiki:
‘O tome‘e ‘i he‘ene fakamo‘ui.
10Ko hoku hui kotoa ‘e lea,
“‘Eiki, ko hai ‘oku tatau mo e ‘Afiona,
Ho‘o huhu‘i ‘a e tōkilalo meiate ia ‘oku mālohi ange,
‘Io, ‘a e tōkilalo mo e masiva meiate ia ‘oku fai hono vete?”
11‘Oku tu‘u hake ‘ani fakamo‘oni fakamālohi;
‘Oku nau ‘eke mai ‘a e ngaahi me‘a ‘oku ‘ikai te u ‘ilo‘i.
12‘Oku nau totongi ‘eku lelei ‘aki ‘a e kovi pē,
‘Oku hangē ha toenga mate hoku laumālie.
13Ka ko au–na‘a ku ‘ai tauanga‘a#35.13 tauanga‘a; pe nge‘esi tangai; Vakai ki he huluhulu ‘i he 30.11. ‘i he‘enau mahaki‘ia:
Na‘a ku fakavaivai‘i hoku laumālie ‘aki ‘a e fiekaia;#35.13 ‘aki ‘a e fiekaia: Na‘e fa‘a ta‘ekai ‘a e kakaí (‘aukai) ko e faka‘ilonga ‘o ‘enau fakakaungāongo‘i.
Pea ko ‘eku lotu–a! ke foki mai ā kia kita!#35.13 ke foki mai ā kia kita! ‘Oku fihi. ‘Oku hiki ‘e he ni‘ihi: na‘e foki ki hoku fatafatá; pe Na‘e ‘ikai ke tali ‘eku lotú, ka na‘á ku lotu.
14Na‘a ku fai ‘o hangē ko ha kaume‘a pe tokoua mo‘oni:
Hangē ha taha ‘oku tēngihia ‘ene fa‘ē na‘e pehē ‘eku mapelu ‘o tangi.
15Ka ‘i he‘eku humu ‘aku na‘a nau fiefia, ‘o fakataha leva:
Na‘a nau fakataha ke ngaohia kita,
‘O nau tā mai ta‘e te u ‘iloa;#35.15 ‘Oku fihi ‘aupito ‘a e veesi ko eni mo e veesi 16.
Na‘a nau hae au ‘o ‘ikai tuku ā:
16Na‘a nau fingofingo mai ‘i he lotolotonga ‘o e kau ta‘elotu,#35.16 fingofingo… ta‘elotu; Ko e taha pē ia hono hiki ‘oku ala faí. ‘Oku fihi.
Na‘a nau ‘ūtaki kaunifo kiate au.
17‘E ‘Ātonai, ko futu ho‘o mo‘usioa pē!
Fakafoki mu‘a mei he‘enau koto faka‘auha na ‘a hoku laumālie,
‘A‘eku me‘a pē taha mei he fanga laione.
18Ka u fakafeta‘i atu ‘i he fakataha lahi:
Te u fakamālō ki he ‘Afiona ‘i he lotolotonga ‘o ha fu‘u kakai.
19Ko kinautolu ‘oku fakafili mai koe‘uhi ko ha loi,#Saame 69.4; Sioné 15.25
Ke ‘oua te nau fakama‘ito‘a:
Pea ko kinautolu ‘oku fehi‘a mai tu‘unga‘a pē,
Ke ‘oua te nau fakahilehila.
20He tala‘ehai ko e melino ‘oku nau lea‘aki:
Ka ‘oku nau fakakaukau lea kākā,
Ke kovi ‘a e kakai ‘oku nofo nonga ‘i he fonua.
21‘Io, na‘a nau fakamanga honau ngutu kia kita;
Na‘a nau pehē, Mālie, mālie, ‘a e sio ki ai hotau mata.
22Kuo ke sio mo koe, ‘Eiki; ‘oua te ke fakalongo:
‘Ātonai ē, ‘oua te ke nofo mama‘o.
23O‘io‘i, pea ke ‘ā ke fakamāu‘i kita;
‘E hoku ‘Otua mo hoku ‘Eiki, ‘ā ke tokanga‘i ‘eku me‘a.
24Fakamaau au ‘o taau mo ho‘o faitotonu, ‘e Sihova ko hoku ‘Otua;
‘O ‘oua ‘e luki kiate au ‘a kinautolu na.
25Ke ‘oua te nau pehē ‘i honau loto,
Mālie, ko hotau loto ia:
Ke ‘oua te nau pehē, Kuo tau folo ia.
26Ke mā mo puputu‘u ‘a kinautolu ‘oku fiefia ‘i he‘eku ‘i he kovi;
Ke nau ‘ai ‘a e mā mo e laea ‘a kinautolu ‘oku mata hihiki.
27Ke tuē mo mavava ‘a kinautolu ‘oku tangane‘ia ‘i he‘eku faitotonu;
‘Io, ke nau lau ma‘u pē, Mālō mo e ‘Eiki,
‘Ene loto‘aki ‘a e tu‘umālie ‘o ‘ene sevāniti.
28Pea ko ho‘o mā‘oni‘oni ‘e ‘a‘au ‘e hoku ‘elelo,
Mo ho fakamālō ‘i he kotoa ‘o e ‘aho.
Currently Selected:
KO E SAAME 35: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
