KO E SAAME 32
32
Ko e Vete Angahala mo e Fakamolemole
(Ko e me‘a ‘a Tēvita. Ko e Hiva-ako.)
1MONŪ‘IA Ā ka ko e toko taha.
Kuo fakamolemole ‘ene talangata‘a,#Lom 4.7-8
Kuo ‘ufi‘ufi ‘ene faihala.
2Monū‘ia ā ka ko e tangata
‘Oku ‘ikai lau hia ki ai ‘e Sihova,
Pea ‘i hono laumālie ‘oku ‘ikai ha kākā.
3Lolotonga ‘eku fakalongo pē,
Ko hoku ngaahi hui na‘e ‘aufoe,
Pea ‘osi ‘a e ‘aho mo ‘eku to‘e.
4He ko e ‘aho mo e pō na‘e mamafa mai ho nima:
Na‘a ku mahahu‘a hangē ha me‘a ‘i he la‘ala‘ā. (Sila)
5Na‘a ku fakamo‘oni ki he ‘Afiona ‘eku hia,
Pea na‘e ‘ikai te u fufū ‘eku angahala:
Na‘a ku pehē, Te u vete ki he ‘Eiki ‘eku ngaahi talangata‘a;
Pea na‘a ke tāmate‘i ‘a e mo‘ua ‘o ‘eku angahala. (Sila)
6Ko ia ai, ko e kau lotu fua pē
Te nau hū ki he ‘Afiona ha taimi ta‘imālie:#32.6 taimi ta‘imālie; Ko hono faka-Hepeluú ia. ‘Oku pehe‘ī he ngaahi hiki fuoloa ‘e ni‘ihi: taimi ‘o e masiva.
Tala atu ka fā ‘ani vai kāfakafa,
‘E ‘ikai tatae kiate ia.
7Ko koe hoku toitoi‘anga;
Te ke lehilehi‘i au mei he ‘efihia;
Te ke tuku ke ongo mai takatakai
‘a e mavava fakahaofi. (Sila)
8Te u akonaki‘i koe mo hulu ki he hala te ke foua:
Te u fale‘i koe ‘aki ‘eku hila.#32.8 Te u fale‘i… hila; pe Te u fale‘i koe, mo nofo ‘o siofi.
9‘Oua te ke hangē ko e hoosi pe miuli,
‘Oku ‘ikai hanau ‘atamai;
‘Oku teu ‘aki ‘a e piti mo e no‘o ke puke,
Na‘a ‘ikai fie ofi kia koe.
10‘Oku lahi ‘a e ngaahi mamahi ongo ‘e hoko ki he talangata‘a:
Ka ko ia ‘oku falala ki he ‘Eiki ‘e kāpui ia ‘e he ‘ofa.
11Mou fiefia ‘i he ‘Eiki ‘a e kau mā‘oni‘oni, pea hākahaka;
‘Io, mou mavava kotoa ‘a e kau loto totonua.
Currently Selected:
KO E SAAME 32: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
