KO E SAAME 30
30
Ko e Lotu Fakafeta‘i
(Ko e Saame ‘a Tēvita; ko e hiva huufi fale.)
1TE U fakahīkihiki‘i koe, ‘Eiki;
He kuo ke fusi hake au,
Pea na‘e ‘ikai te ke tuku hoku ngaahi fili
Ke luki ‘iate au.
2‘Eiki, ko hoku ‘Otua, ne u tautapa atu,
Pea ne ke faito‘o au.
3‘Eiki, kuo ke fakahā‘ele hake hoku laumālie mei Hētesi;
Meiate kinautolu ‘oku hifo ki he luo,#30.3 ki he luó; Ko e nofo‘anga, tokua, ‘o e kakai kuo maté (vakai ki he 6.5). kuo ke ui mai ‘eku mo‘ui.
4Hiva saame kia Sihova, ‘a ‘ene kau lotu,
Fakamālō‘ia hono ongoongo toputapu.
5He ko e kemo ‘a e fuoloa ‘o ‘ene tuputāmaki;
Ka ko ‘ene ‘ofa ‘oku lau mo‘ui:
‘E ha‘u efiafi nai ‘a tangi ke tau mohe,
Kae pongipongi leva–ko e mavava ē!
6Ka ko au–‘i he‘eku tu‘umālie na‘a ku lea,
‘E ‘ikai ue‘i au ‘o ta‘engata.
7‘I ho‘o ‘ofa, ‘e Sihova,
Na‘a ke ngaohi hoku mo‘unga ke kaukaua:
Na‘a ke fufū ho fofonga;
Na‘a ku puputu‘u leva.
8Ko koe, ‘Eiki, na‘a ku tautapa ki ai;
Pea u fai ‘eku hū kia ‘Ātonai:
9“Ko e hā ha koloa ‘e ma‘u mei hoku toto?
Mei ha‘aku ‘alu hifo ki he Luo?
‘E ‘atu ‘e he efu ha fakafeta‘i?
Te ne fakahā koā ho‘o fai mo‘oni?”
10Fanongo, ‘Eiki, pea ke ‘ofa mai;
‘E Sihova, hoko koe ko hoku tokoni.
11Kuo ke liliu ‘eku tangilāulau ko e me‘a ke u me‘e ai;
Kuo ke vete hoku tauanga‘a, ‘o no‘o ‘aki ‘a e fiefia lahi:
12Koe‘uhi ā ke hiva ki he ‘Afiona
‘E hoku lāngilangi, ‘o ‘oua ‘e tūkua.
‘E Sihova ko hoku ‘Otua,
Te u fakafeta‘i kia koe ‘o ta‘engata.
Currently Selected:
KO E SAAME 30: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
