KO E SAAME 29
29
Ko e Folofola Mai ‘a Sihova he Afā
(Ko e Saame ‘a Tēvita.)
1TUKU kia Sihova, hako ‘o ‘Ela,#Saame 96.7-9
Tuku kia Sihova ‘a e kolōlia mo e mālohinga.
2Tuku kia Sihova ‘a e kolōlia ‘o hono huafa;
Hū kia Sihova ‘i he teunga tāpuhā.#29.2 ‘i he teunga tāpuhā; pe ‘oka ne ka hā mai, pe ‘i hono Temipale masaní.
3Ko e le‘o ‘o Sihova ē ‘i he ngaahi funga vai na:
Ko ‘Ela lāngilangi ‘oku mana,
Ko Sihova ē ‘i he funga vai kāfakafa.
4Ko e le‘o ‘o Sihova ‘oku ha‘aki mai;
Ko e le‘o ‘o Sihova ‘oku fakangeingei.
5Ko e le‘o ‘o Sihova ē ‘oku laiki ‘a e ngaahi sita;
‘Io, ‘oku laiki ‘a e ngaahi sita ‘o Lepanoni ‘e Sihova.
6Pea ‘oku ne fakahopo kinautolu ‘o hangē ha kafi;
‘A Lepanoni mo Silioni ‘o hangē ha pufaloe mui.
7Ko e le‘o ‘o Sihova ‘oku fahi mai ‘ani ulo‘i afi.
8Ko e le‘o ‘o Sihova ē ‘oku ne lulu ‘a e toafa;
Ko e Toafa ‘o Kētesi ‘oku lulu ‘e Sihova.
9Ko e le‘o ‘o Sihova ‘oku ne fakafā‘ele‘i ‘a e fanga tia,#29.9 ‘okú ne… tiá; Ko hono faka-Hepeluú ia, ka ‘oku ngali tonu hono hiki ‘o: ‘oku sālue ai ‘a e ngaahi fu‘u ‘oké.
Pea ne tū‘ulu ‘a e vao tātā:
Pea ‘i hono temipale ‘oku ha‘aki mai kotoa, “Kolōlia!”
10Na‘e ‘i hono taloni ‘a Sihova ‘i he Lōmaki;
Pea ko Sihova ‘oku ‘afio ni ko e Tu‘i laui ‘ītāniti.
11Ko Sihova te ne foaki ivi ki hono kakai;
Ko Sihova te ne ‘atu ki hono kakai ‘a e melino moonau tāpuaki.
Currently Selected:
KO E SAAME 29: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
