KO E SAAME 2
2
1KO E hā kuo futefute ai ‘a e ngaahi kakai,
Pea ‘oku fakakaukau mūnoa ‘a e ngaahi matakali?
2He tu‘u mai ‘a e ngaahi tu‘i ‘o māmani,
Pea fakatahataha ‘a e hou‘eiki
Ke puleaki‘i ‘a Sihova,
Pea mo e pani ‘a‘ana:
3“Tau motuhi ‘a e ngaahi ha‘i ‘anaua,
‘O li‘aki meiate kitautolu ‘ena ngaahi kafa.”
4Kata pē ia ‘oku ‘afio ‘i langi,
Manukia kinautolu ‘e ‘Ātonai.
5Toki folofola ia ki ai ‘i he‘ene ‘ita,
Pea ‘i he‘ene houhau ‘oku ne ‘ai ke nau ilifia:
6“Ka Kuo u fakanofo ‘eku tu‘i ‘a‘aku,
‘I funga Saione ko ‘eku mo‘unga tapu.”
7Ka u ‘a‘au mu‘a ‘a e fekau;#Ngā 13.33; Hep 1.5; 5.5
Ne folofola ‘a Sihova kiate au,
“Ko hoku Foha koe,
Ko e ‘aho ni Kuo u fakatupu koe.
8Kole mai pea u ‘atu mo‘o tofi‘a ‘a e ngaahi kakai,
Mo e ngaahi ngata‘anga ‘o māmani mo‘o ‘inasi.
9Te ke laiki kinautolu ‘aki ‘a e sēpita ukamea#Fkhā 2.26-27; 12.5; 19.15
Te ke have‘i kinautolu hangē ha ipu ‘umea.”
10Pea ko eni, ‘a e ngaahi tu‘i, mou poto mu‘a;
Tali akonaki, ‘a e kau fakamaau ‘o e fonua.
11Tauhi ‘a Sihova mo e manavahē,
‘O fiefia tetetete pē.
12‘Uma ki he ‘Alo na‘a ne ‘ita,#2.12 ‘O fiefia… ‘ita; ‘Oku ngali tonu hono hiki ‘o: tetetete mo punou ki ai; Ko hono ngaahi hiki kehe ‘e ala tonu: tetetete mo ‘uma ki hono va‘é; mo e tetetete mo ‘uma ki he ‘Aló; mo e tetetete mo ‘uma ki he mafí; ‘Oku ‘ikai ke mahino hono faka-Hepeluú.
Pea mou ‘auha ‘i he hala:
He ko e kemo kuo kohu hake ‘ene ‘ita.
Ha monū‘ia ka ko e kakai kuo hūfanga kiate ia!
Currently Selected:
KO E SAAME 2: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
