KO E SAAME 28
28
Ko e Lotu Kole Tokoni
(Ko e me‘a ‘a Tēvita.)
1‘EIKI, ‘oku ou tautapa ki he ‘Afiona;
‘E hoku makatu‘u, ‘oua te ke fakaongonoa:
Na‘a ‘iloange ‘i ho‘o fakalongo,
Pea u hangē ko kinautolu ‘oku ‘alu hifo ki he luo.
2Ongo‘i ‘a e le‘o ‘o ‘eku tautapa, ‘oka u ka kaila atu,
‘O ka u ka hiki hoku nima ki ho loto tatau tapu.
3‘Oua ‘e toho au mo e kau angahala,
Mo e fa‘ahinga fai me‘a pango;
‘A kinautolu ‘oku veveho ki honau kaungāme‘a,
Ka ko e kovi ‘oku ‘i honau loto.
4‘Ange kiate kinautolu ke taau mo ‘enau ngāue na,#Fkhā 22.12
Pea ke tatau mo e kovi ‘o ‘enau fai anga:
‘Ange kiate kinautolu ke taau mo e ngāue ‘a honau nima;
Fakafoki kiate kinautolu honau tuha.
5Ko e me‘a ‘i he ‘ikai te nau tokanga‘i ‘a e ngaahi ngāue ‘a Sihova,
Pe ko e fita‘a ‘a hono nima,
Ko ia te ne holoki kinautolu ‘o ‘ikai langa.
6Mālō mo Sihova,
He kuo ne fanongoa ‘a e le‘o ‘o ‘eku tautapa.
7Ko Sihova ‘a hoku mālohinga mo fakaū;
Na‘e falala ki ai ‘a hoku loto, pea kuo tokonia au:
Ko ia ‘oku me‘e hopohopo hoku loto;
Pea te u fai‘aki ‘eku hiva ni hono fakamālō.
8Ko Sihova ko e mālohinga ‘o hono kakai,
Ko e hūfanga fakamo‘ui ia ki he‘ene pani.
9Fakamo‘ui ho kakai, pea tāpuaki‘i ho tofi‘a:
‘Io, fafanga kinautolu, ‘o fua ke ta‘engata.
Currently Selected:
KO E SAAME 28: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
