KO E SAAME 26
26
Ko e Lotu ‘a e Tokotaha Fai Lelei
(Ko e me‘a ‘a Tēvita.)
1FAKAMĀU‘I au, ‘Eiki, he Kuo u fou he‘eku haohaoa:
Pea Kuo u falala kia Sihova ta‘eha tāla‘a.
2Fisifisi au, ‘Eiki, pea ke faka‘ata au;
Sivi ‘aki ‘a e afi hoku kofuua, mo hoku mafu.
3He ko ho‘o ‘ofa ‘oku ma fe‘ao;
Pea ‘oku fou ‘i ho‘o fai mo‘oni ‘eku felemofafo.#26.3 ‘oku fou… felemofafo; pe ‘oku tataki ‘aki au ho‘o tauhi ofí.
4Kuo ‘ikai te u nofo mo e kakai mūnoa;
Pea ‘e ‘ikai te u hū mo e fa‘ahinga ‘ai pūloa.
5Ko e fakataha ‘a e kau faikovi ‘oku ou fehi‘a ki ai,
Pea ‘e ‘ikai te u nofo mo ha‘a faka-Pileali.
6Te u fanofano hoku nima ‘i he ta‘ehalaia;
Ka u ‘alu takai, ‘Eiki, ki ho ‘ōlita:
7Ke u kau ‘i he lea fakamālō,
Mo ‘a‘au ho‘o ngaahi ngāue fakaofo.
8‘Eiki, ‘oku ou ‘ofa ki he nofo‘anga ko ho fale na,
Mo e potu ‘oku Tāpanekale ai ho Sikaina.
9‘Oua ‘e hiko hoku laumālie mo e kau angahala,
Pe ko ‘eku mo‘ui mo e kau tangata toto‘ia:
10‘A ia ‘oku ‘i honau nima ha me‘a ke fai,
Pea kuo fonu honau to‘omata‘u ‘i he pa‘anga lavaki.
11Ka ko au te u fou atu ‘i he‘eku haohaoa ni:
‘Ē, faka‘atā au, pea ke ‘ofa mai.
12‘Oku tu‘u hoku va‘e ‘i ha tokalelei;
‘I ha ngaahi kau hiva te u fai ‘eku fakafeta‘i ki he ‘Eiki.
Currently Selected:
KO E SAAME 26: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
