KO E SAAME 24
24
Ko e Tu‘i Lahí
(Ko e Saame ‘a Tēvita.)
1‘OKU ‘o Sihova ‘a e fonua, mo e me‘a ‘oku ‘i ai:
‘A māmani mo e kau nofo ki ai.#1 Kol 10.26
2He ko ia ia na‘a ne langa ‘i he ngaahi funga tahi,
‘Io, ko e ngaahi funga ‘au ‘oku ne fokotu‘u ma‘u ai.
3Ko hai ‘e hake ki he mo‘unga ‘o Sihova?#24.3 mo‘unga ‘o Sihova; Ko e mo‘unga ‘i Selusalema na‘e langa ai e Temipalé.
‘Io, ko hai ‘e tu‘u ‘i hono potu tapu na?
4Ko ia ‘oku nima ma‘a mo loto ‘ata‘atā;#Māt 5.8
Kuo ‘ikai te ne tuku hono laumālie ki he muna,
Pea kuo ‘ikai te ne fuakava ki he kākā.
5‘E ma‘u ‘e ia ha tāpuaki meia Sihova,
‘Io, ko e mā‘oni‘oni mei he ‘Otua ko hono Fakamo‘ui‘anga.
6Ko ena ia ‘a e to‘utangata ‘oku huhū kiate Ia,
‘Oku kumi, ‘e ‘Otua ‘o Sēkope, ki ho fofonga. (Sila)
7‘a e ngaahi matapā, mou hiki homou ‘ulu na;
‘Io, mou mahiki, ‘a e ngaahi matapā tupu‘a:
Kae hū atu ‘a e Tu‘i Lāngilangi ki hena.
8Ko hai tū ‘a e Tu‘i Lāngilangi?
Ko Sihova, ko e to‘a mo e mafi;
Ko Sihova, ko e to‘a ‘i he fepaki.
9‘a e ngaahi matapā, mou hiki homou ‘ulu na;
‘Io, mou mahiki, ‘a e ngaahi matapā tupu‘a:
Kae hū ‘a e Tu‘i Lāngilangi ki hena!
10Ko hai ia koā ‘a e Tu‘i Lāngilangi.
Ko Sihova Sāpaoti,
Ko ia ia ‘a e Tu‘i Lāngilangi. (Sila)
Currently Selected:
KO E SAAME 24: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
