KO E SAAME 23
23
Ko Hotau Tauhi ‘a Sihova
(Ko e Saame ‘a Tēvita.)
1KO hoku tauhi ‘a Sihova;
‘E ‘ikai te u masiva.
2‘Oku ne fakatokoto au he ngaahi toafa lau mukomuka;#Fkhā 7.17
‘Oku ne taki au ki he ngaahi vai fakanonga.
3Ko hoku laumālie ‘oku ne fakafoki:
‘Oku ne taki au ‘i he ngaahi hala ‘o e mā‘oni‘oni;
Ko hono ‘uhinga ē
Ko hono huafa pē.
4‘Io, neongo ‘ete ‘alu pē
‘I he tele‘a ‘oku malu‘aki ai ‘a Mate,
‘E ‘ikai te u manavahē ki ha kovi;
He ko koe ‘oku ma feohi:
Ko si‘o tokotoko mo ‘akau,
‘Oku na fakafiemālie‘i au.
5‘Oku ke teuteu mai ‘i hoku ‘ao ha tēpile,
Ka ko hoku ngaahi fili ‘oku sio mei hē:
Kuo ke pani lolo hoku ‘ulu;
‘Oku fonu mahuohua ‘a ‘eku ipu.
6Tā ‘e toupili mai ‘a e lelei mo e ‘alo‘ofa
‘I hoku ngaahi ‘aho kotoa;
Pea ko ‘eku nofo ‘i he fale ‘o Sihova
‘E fai pē ‘o lauikuonga.
Currently Selected:
KO E SAAME 23: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
