KO E SAAME 20
20
Ko Lotu Kole Ikuna
(Ki he Pule ‘o e Hiva. Ko e Saame ‘a Tēvita.)
1KE tali mai koe ‘e Sihova ‘i he ‘aho ‘o e faingata‘a;
Ke hoko ‘a e huafa ‘o e ‘Otua ‘o Sēkope ko ho kolo mā‘olunga;
2Ke fekau atu hao tokoni mei he fale tapu,
‘Io, ke ha‘u mei Saione ho poupou;
3Ke ne manatu kotoa ho‘o ngaahi feilaulau,
Mo finangalo lelei ki ho‘o ngaahi feilaulau tutu, (Sila)
4Ko e ngaahi holi ‘a ho loto ke ne ‘atu ki he ‘Afiona,
Mo fakahoko ho‘o ngaahi fakakaukau kotoa.
5Te mau toki mavava ‘i ho‘o ikuna,
Pea ‘i he huafa ‘o homau ‘Otua te mau fokotu‘u fuka;
Ke fakaai mai ‘e Sihova ho‘o ngaahi kole kotoa!
6Ko eni Kuo u ‘ilo ni
Kuo fakamo‘ui ‘e Sihova ‘ene pani;
Te ne tali ia mei hono langi tapu
‘Aki ‘a e ivi fakamo‘ui ‘o hono nima to‘omata‘u.
7‘Oku pole sāliote ni‘ihi,
Pea pole hoosi ni‘ihi;
Ka ko kitautolu ni ‘e ngata
‘I he Huafa ‘o Sihova ko hotau ‘Otua.
8Kuo mapelu mo tō ‘a kinautolu;
Ka ko kitautolu kuo tau tu‘u, ‘o mātu‘aki matu‘u.
9‘Eiki, fakatu‘umālie ‘a e Tu‘i!
Ka mau ka tangi atu, tali mai!#20.9 ‘Oku hiki ‘e he ni‘ihi ‘o pehē: ‘Eiki, fai ho‘o fakamo‘ui, ke tali kimautolu ‘e he Tu‘i ‘oka mau ka tangi.
Currently Selected:
KO E SAAME 20: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
